Merkezê Îrtîbatî û Çapemenîye yê HPGyî derheqê çalakîyanê gerîlayan hêrişê artêşa tirke de eşkerayîye daye û nê pare kerdî:

''Hêzê Pawitişî yê Hewayî;

11 sibate saetanê şewe de Yewîya Şehîd Zinar Doganî ke pabesteya Hezanê Pawitişî yê Heweayî yê Şehîd Delale ya, 4 çalakîyî kerdî. Bajarekê Rûbarokî yê qezaya Şemzînanaî ya Colemêrgî de Tugayê Hudutî yê 1. yê artêşa tirke ya îşxalkere di reyî, warê helîkopteran ê nê tugayî rayêke û Qereqolê Mawanî yo ke eynî herême de yo, rayêke bi teyarayanê kamikaze ameyî pirodayene.

Nê çalakîyî semedê qesasê hemrayê  ma Azîz Koyluoglu û 4 sîvîlan ke ameyî qetilkerdene, ameyî kerdene.

Herêma Şehîd Delîlî ya Rojawanê Zapî;
10 û 11ê sibate de Warê Xoverdayîşî yê Girê Baharî de îşxalkeranê ke waşt aver şirê hetê hêzanê ma yê YJA Starî ra  pê çekanê giranan ameyî pirodayene û verê înan ame girewtene.

Herêma Xakurkê;

10ê sibate de Qirê Şehîd Hêminî de yo ke pabesteyê Warê Xoverdayîşî yê Sinînê yo, îşxalkerî pê çekanê giranan ameyî pirodayene.

Çekê qedexeyî;

11ê sibate de Warê Xoverdayîşî yê Girê Amediyê yê Zapî de tunelê ma rayêke pê teqaberanê qedexeyan dîyayî bombayan ver.

Bombardumanî;

Mabenê tarîxanê 8-12ê sibate de Warê Xoverdayîşî yê Şehîd Şerîf û Goşînê yê herême Xakurkê, warê Bêpala, Qada Newrozê, Girê Rojî yê herêma Qendîlî, warê Mêranê, Bergarê,Çemrobotkî, Yekmalê, Kanî Sarkê, Dêreşê, Zêvkê, Rêbînê, Girê Zengilî yê herêma Garê,Warê Xoverdayîşî yê Bêşîlî yê herêma Metîna, Warê Xoverdayîşî yê Girê Cûdî, Girê Bahar, GirêAmediyê yê herêma Zapî 25 reyî pê teyarayanê şerî dîyayî bombayan ver.''