Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da û nê pare kerdî:

“Herêma Geverî;

11ê temmuze de warê Gelîya Oremarê de wesayîto zirxin bi taktîkê sabotajî ame pirodayene. Na çalakîye de 2 îşxalkerî ameyî cezakerdene, îşxalkerêk birîndar bi û wesayîto leşkerî ame îmhakerdene.

Herêma Metîna;

11 temmuze de mabênê hêzanê û îşxalkeran de pêkewtişî qewimîyayî. Îşxalkerê ke erazî de vila bîyî 3 reyî bi taktîkê sabotajî ameyî pirodayene. Hûmara merde û birîndar safî nêbîye. Saetanê vera şanî de helîkoptero ke ame warê pêkewtişî hîrê hetan ra ame pirodayene. Eynî şewe Warê Xoverdayîşî yê Serê Metîna de helîkopteran rê mudaxale ame kerdene.

12ê de temmze de Warê Xoverdayîşî Dergelê de îşxalkerî bi taktîkê sabotajî ameyî pirodayene. Na çalakîye de 2 îşxalkerî ameyî cezakerdene.

Herêma Şehîd Delîlî yê Rojawanê Zapî;

11-12ê temmuze de Warê Xoverdayîşî yê Girê Cûdîyî de îşxalkerî çar reyî bi çekanê otomatîkan û giranan ameyî pirodayene. Nê çalakîyan ra hîrê hepî hetê hêzanê ma yê YJA Starî ra ameyî kerdene.

11ê temmuze de Warê Xoverdayîşî yê Girê Amediyê de îşxalkerî ameyî pirodayene.

11-12ê temmuze de Warê Xoverdayîşî yê Girê Baharî de îşxalkerî 10 reyî ameyî pirodayene û 2 reyî zî helîkopteran rê mudaxale amekerdene. Nê çalakîyan ra panc hebî hetê hêzanê ma yê YJA Starî ra ameyî kerdene.

Hêrişê bi çekanê qedexeyan;

11-12ê temmuze de tunelê ma yê Warê Xoverdayîşî Girê FMyî  18 reyî bi gazanê kîmyewîyan û 5 reyî  bi teqaberanê qedexeyan dîyayî bombayan ver.

Bombaraduman;

10, 11, 12ê temmuze de warê Şehîd Şerîf, Kolît, Kendekola, Girê Berbizinê yê herêma Xakurkê, warê Mêranê, Kanî Sarkê, Deşta Kafya, Rêbînê, Zengil, Zêvkê, Yekmalê, Dêreşê, Gûzê, Hefttebaxî yê herêma Garê, Warê Xoverdayîşî yê Şêlazê yê herêma Metîna, Warê Xoverdayîşî yê Girê Baharî yê herêma Zapî 28 reyî bi teyarayanê şerî dîyayî bombayan ver.

11, 12ê temmuze de warê Serê Metîna û Warê Xoverdayîşî yê Dergelê yê herêma Metîna, warê Şekîfî yê herêma Xakurkê pê helîkopteranê hêrişî dîyayî bombayan ver.''