Merkezê Çapemenî û Îrtîbatî yê HPG’yî vat çarçewaya Hemleya Şorişgêre ya Şehîd Bager û Şehîd Ronya de hêzanê înan 3’ê Temmuze saet 00.10 de hemverê yewîyanê operasyonî yê ke herêma Xakurkê de bîyî çalakîyêka suyîqestî viraşta, çalakîye de 1 leşkerê dişmenî ameyo kiştene.

 HPG’yî eşkerayî de vat, “Çarçewaya hemle de hêzanê ma yê YJA Starî, roja 2’ê Temmuze saet 18.00 de zî wareyê Derava Qesranî yo ke mabênê Çelê û Colemêrgî de maneno de hemverê leşkeranê îşxalkaran çalakîyêka suyîqestî viraşta. Na çalakîye de zî 1 leşkerê dişmenî ameyo kiştene.”

 HPG’yî derheqê hêrişanê hewayîyan de zî hayîdarîyî dayî û vat, “Teyareyanê şerî yê ke aîdê artêşa TC’yî ya îşxalkare yê roja 2’ê Temmuze saete 13.30 de Qilê Amedîye yo ke pabesteyê qezaya Amedîye ya Duhokî yo û wareyê Çemçoyî yo ke pabesteyê herêma Zapî yê Wareyê Pawitişî yê Medya yo bombardûman kerdê. Nê bombardûmanan de vînîbîyayîşêkê ma çinbîyo.”