Girê Amediyê de vera îşxalkeran derbeyê Gerîlayanê Azadîye yê Kurdîstanî dewam kenê. Gerîlayî pereyî ra nata xeylêk reyî bi teknîkê taybetî çalakîyî kerdî. Gerîlayan bîn şewe reyna da îşxalkeran ro. Mewzîyanê îşxalkeran de teqayîşo pîl qewimîya.

Merkezê Îrtîbatî û Çapemenîye yê HPGyî da zanayene ke Warê Xoverdayîşî yê Girê Amediyê yê  Herêma Şehîd Delîlî ya Rojawanê Zapî de 5ê hezîrane de saete 22:20 de bi teknîkê taybetî çalakîye ameye kerdene û mewzîyanê îşxalkeran de teqayîşo pîl qewimîya. Dîmenê nê teqayîşî ameyî antene.