Merkezê Çapemenî û Îrtîbatî yê HPG’yî  bi eşkerayîyêk derheqê çalakîyanê gerîlayanê HPG û YJA Starî de nê pare kerdî:

Sêrt de 3 Eskerî Ameyî Kiştene

‘’30’ê Hezîrane  de artêşa Tirkî ya îşxalkare herêma dewa Dîrîşkê ya qezaya Dihî ya Sêrtî de bi yewîyanê nimiteyan faalîyetê damî daye destpêkerdene. 3’ê Temmuze de hêzanê ma çarçeweya Hemleya Qesasî ya Şehîde Medya Mawa û Şehîd Rizgar Geverî de vera nê yewîyan çalakîyêk viraşte. Çalakîye de 3 eskerî ameyî kiştene xeylî zî birîndar bîyî. Yewîya ma ya ke çalakîye viraşte weşûwar resayî cayê xo.

Xakukrê de 2 Eskerî Ameyî Kiştene

Çarçeweya Hemleya Şorişgêre ya Şehîd Bager û Şehîd Ronya de hêzanê ma vera îşxalkaran xeylî çalakîyî viraştî. 7’ê Temmuze de hêzanê ma Qilê Şehîd Derweşî yê Xakurkê de da îşxalkaran ro, 2 eskerî ameyî kiştene.  9’ê Temmuze de  hêzanê ma yê YJA Starî Qilê Şehîd Tûfanî yê Avaşînî de  vera yewîyêka artêşa Tirkî çalakîya sûîqastî viraşte. Çalakîye de 2 eskerî ameyî kiştene û kamerayê mobeseyî ameyî îmhakerdene. 10’ê Temmuze de  hêzanê ma yê YJA Starî Qilê Şehîd Elîşerî yê Geverê Colemêrgî de vera îşxalkaran çalakîyêk viraşte. Çalakîya ke stargeh û mewzîyê dişmenî bitesîr ameyî pirodayene de hûmara merde û birîndaran nemaeyê zelelkerdene. Îşxalkaran dimayê çalakîye herême bombardûman kerde. Rîyê bombardûmanî ra erazî de şewat vejîya.

Operasyonê  Artêşa Tirkî yê Geverî Dewam Keno

11’ê Temmuze de dewleta Tirkî herêmanê Şehîde Dîrene, Şehîd Afat, Qilê Çeperî û dewa Satê yê Geverê Colemêrgî bombardûman kerdî  û dormeyê  Qilê Şehîd Afatî de operasyon da destpêkerdene. Operasyon dewam keno.

Bombardûmanê Îranî de Sivîlêk Cuya Xo Vînî Kerde

10’ê Temmuze de artêşa Îranî bi sîlehanê giranan herêmê Berbizina, Goşînê û Ornê yê herêma Bradostî yê Başûrê Kurdistanî bombardûman kerde. Hêrişî de heman keyeyî ra kesêk ame qetilkerdene û  kesî zî birîndar bîyî.