Merkezê Çapamenî û Îrtîbatî yê HPG’yî derheqê çalakîyanê gerîlayan û hêrişanê hewayî yê artêşa Tirkî ya îşxalkare de eşkerayîyêka nuştekîye weşanaye.

Wan de 4 kontrayî  birîndar bîyî

Eşkerayîya HPG’yî de ame vatene; “Roja 18’ê Hezîrane saete 00:10 de hêzanê ma rayîrê mabênê taxanê Metmanîs û Taxa Carî ya qezaya Westanî ya Wanî seba trafîkî girewte. Hêzanê ma derheqê prosesî de zanayîşî dayî şarî û kontrolkerdişê nasnameyan kerd. Dimayê na çalakîye saete 02:00 de yewîyê kontra yê ke girêdayîyê artêşa TC’yî ya îşxalkare waşt hêrişê herêma çalakîye bikerê. Hêzanê ma vera na yewîya kontra çalakîya sabotajî viraşte û 4 kontrayî  birîndar bîyî. Dimayê çalakîye hêzanê îşxalkare herême de dest bi operasyonî kerd û eşt serê tayê keyeyan û şarî rê zext kerd. Yewîya ma ya ke çalakîye viraşte bi silametî reste qerargehê xo.

Hêrişê Hewayî

Roja 22’ê Hezîrane saet 08:00 de teyareyanê şerî yê artêşa TC’yî ya îşxalkare newalê Şehîde Delîla û Qesrokê yê herêma Heftanînî ya Herêmanê Parwitişî yê Medya bombardûman kerd. Nê bombardûmanan de zirar nêrest hêzanê ma.”