Merkezê Çapemenî û Îrtîbatî yê HPG’yî yo ke  eşkerayîya nuştekîye daye, detayê çalakîyanê gerîlayan rayapêroyî dir pare kerdi.

Eşkeryîya HPG’yî wina ya:

Erzîngan de  Gerîlayan ra Çalakîye

''15’ê Temmuze de hêzanê ma qezaya Kemahî ya Erzînganî de da eskeranê Tirkî yê ke Qilê Olûkî de ameyîbî cakerdene ro. Çalakîya ke stargeh  û mewzîyanê dişmenî ser o adir ame varnayene de hûmara merde û birîndaran ê dişmenî safî nêbîye. Yewîya ma ya ke çalakîye viraşte weşûwar resayê cayê xo.

Xakurkê de Vera Îşxalkaran Çalakîya Sabotajî

Teryareyanê şerî yê deweta Tirkî herêmanê Wareyê Pawitişî yê Medya ra Xakurkê de Qilê Şehîd Hozanî 14’ê Temmuze de û Qilê Şehîd Erîşî 16’ê menge de bombardûman kerdî. Artêşa Tirkî dimayê hêrişî pê Skorskyan eskerî kiştiştî  her di qilan û dest bi îşxalê nê cayan kerd.

16’ Temmuze de hêzanê ma vera  îşxalkaranê ke waştêne xo Qilê Helîkopterî de bica bikerê, çalakîya sabotajî  viraşte. Hûmara merde û birîndaran ê îşxalkaran nêameyî tesbîtkerdene.

Artêşa Tirkî Wareyê Pawitişî yê Medya Bombardûman kerde

Teyareyanê şerî yê dewleta Tirkî 16’ê Temmuze de herêma Xantûrî ya Heftanînî, 17’ê menge de zî herêmê dewanê Kozîne, Bêpalan, Enzê û Bêreşê , Qilê Şehîde Nûda, Dola Bedrana, Dola Zergelê û Tepê Savaşî bombardûman kerdî. Netîceya nê hêrişan de vînîbîyaye yê ma çîn ê. Bag û bagçeyanê şarê herêmî zirar dî.’’