Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan de zanayîş da.

Eşkerayîye de nê ameyî parekerdene: ’’5’ê Tebexe de hêzanê ma vera leşkeranê ke  Qilê Şehîd Derweşî de ameyîbî cakerdene, çalakîyêk viraşte. Çalakîya ke stargeh û mewzîyê dişmenî bitesîr ameyî pirodayene de hûmara merde û birîndaran ê dişmenî zelal nêbîye.

Çalakîya YJA Starî de Leşkerêk Ame Kiştene

6’ê Tebaxe de (ewro) hêzanê ma yê YJA Starî Qirekê Ermûşî de da îşxalkaran ro. Pirodayîşo biîsabetî de leşkerêk ame kiştene.

Qilê Serzerî de Çalakîye

3’ê Tebaxe de hêzanê ma qezaya Çelê ya Colemêrgî de vera leşkeranê ke Qilê Serzerî de ameyîbî cakerdene çalakîyêk viraşte. Çalakîya ke stargeh û mewzîyê dişmenî bitesîr ameyî pirodaeyene de hûmara merde û birîndaran ê dişmenî nêameye tesbîtkerdene.

Kanîreşê Çewlîgî de Gerîlayêk Şehîd Bi

20’ê Temmuze de herêma Karacennemî ya qezaya Kanîreşî ya Çewlîgî de artêşa Tirkî operasyonêk dayo  destpêkerdene. Hêzanê îşxalkaran heman roje herême bombardûman kerde.  Netîceya hêrişî de embezêkê ma şehîd kewt. Operasyon roja bîne peyser ancîya. Hayîdarîyê nasnameyê embazê ma yo ke nê operasyonî de şehîd bîyo, dimayo ke hetê ma ra ameyî zelalkerdene, do rayapêroyîye dir bêrê parekerdene.

Hêrişê Hewayî

5’ê Tebaxe de teyareyanê şerî yê artêşa Tirkî herma Gare de wereyê Gundê Guzê, 6’ê Tebaxe de zî reyna Gare de derûdorê dewa Kanî Sarkê bombardûman kerdî. Netîceyê hêrişan de vînîbîyayeyê ma çîn ê. Bax û baxçeyanê şarê herême de ziraro madî ame meydan.