Gerîlayanê HPG û YJA-Starî bi wesîleya serrgêra  ronayîşê PKKyî ANFyî rê qisey kerd. Gerîlayan îdîayê xo yê serê serra newîye pêşwazî kerdî.

Gerîlaya YJA-Starî Mîtra Ararat vat: ''Serrgêra partîya ma taybet a. Çunke partîya ma bi felsefeya Rayberîye ronîyaya. Prosesê awankerdişê partîya ma de embaze Sara (Sakîne Cansiz) wayîra rol û mîsyonêkê pîlî bîye. Ewro bi hezaran teqîbkerdoxê Sara estê. Her ke şino partîya ma bena pîlêr. Ewro ma bîyî bi mîlyonan. Vera ma çeka kîmyewîye, teknîkê pîlî şuxilîyenê. La partîya ma do meverda dişmen ser bikewo. Sey gerîlayanê YJA-Starî û HPGyî rol û mîsyonê ma hertim do no bo. Her roje seba xo ma bikerê roja ronayîşê partîye roja fedayîtîye, roja azadîya Rayber Apoyî û Kurdîstanî. No tek armancê ma yo.''

Gerîlayê HPGyî Pîro Xemgînî vat: ''Ruhê ronîyayîşê PKKyî ewro çeperanê şerî de, tunelanê şerî de yo. Gama destpêke ra Rayber Apoyî ra heta ewro no xoverdayîş dewam keno û şerêko rûmetên yeno caardene. Bi nê hawayî PKKyî xo resna asta globale û vera polîtîkayanê serê şaran vindert. PKKyî erjê şehîdanê şorişî awan kerdî, no binge aver berd û bihêz kerd. Her ke kede dîyaye PKK bîyo pîl. Sîstemo ke Rayber Apoyî aferna hertim raştê hêrişan ame. La heta nika zî no sîstem semedê şaran bi alternatîf. Ruho ke ewro çeperan de şer keno ruhê Rayber Apoyî yo. Hêzê nê ruhî tim têkoşînê ma berz keno, ma beno serkewtişî.''