Hemserîkaya Konseya Rayberdişî ya KCK’yî eşkera kerde ke gerîlayê HPG’yî şehîd Devran (Mûrat Gunduz)  pîya bi endamê Konseya Serekîya Pêroyîye ya KCK’yî Dîyar Xerîbî 5’ê Temmuze de Qendîl de rastê hêrişê hewayîyî yê teyareyanê şerî yê artêşa Tirkî ameyî û şehîd kewtê.

Eşkerayîye de nê ameyî vatene: ‘’Şehîd Devran (Mûrat Gunduz) serra 2014 de qezaya Qereyazi ya Erzîromî de xîyalê xo yê qijtîye ardî ca û tewrê sefanê gerîlayî bi. Wereyê Serhadî yê ke ewladê ci yo de eşqê xo dima sey gerîlayê azadîye vejîya. Hemra Devran sey xeylî ciwananê Kurdan ê bînan vera tarîtîye çekê xo giredayîş sey wezîfeyêkê tarîxkî û ehleqî vîneno. Vera îşxalkaran 4 serrî koyanê Kurdistanî de mucale kerd û şertena tewr zehmetan ê Serhadî de derbeyê girdî dayî dişmenî ro. Hemra Devrano ke çalakîyanê girdan ra yewe de lingê xo ra birîndar bi, wexto ke derg tedawî dî. Dimayê qedîyayîşê tedawî cade bi fedakarîya dest bi wezîfeyanê neweyan kerd.Hemra Devran 5’ê Temmuze de pîya bi endamê Konseya Serekîya Pêroyîye ya KCK’yî Dîyar Xerîb û hemrayê ma Şahîn (Abdulkadîr Aslan) hêrişê dewleta Tirkî ya îşxalkare û hemkarnê ci de şehîd bîyî. Ma sey hemrayanê înan do qesasê şehîdan bîgêrê û xîyalanê înan bîyarê ca.’’

Nameyê Qodî: Devran Canfeda

Name Peyname: Mûrat Gunduz

Cayê Bîyayîşî: Dewa Kosa/ Qereyazi/ Erzîrom

Maye-Pî: Sakîne – Medenî

Tarîx û Cayê Şehadetî: 5’ê Temmuze 2019 / Qendîl