Gerîlayanê HPGyî Dilxwaz Teyî û Dilxwaz Germiyan derheqê  roşanê ganîbîyayîşî Newroze de qisey kerd.

Dilxwaz Teyîyî vat:  ''Her çîqê adirdê Newroze do bibo hela xoverdayîş, serkewtiş û azadîya şaran. Newroza emserî Kurdîstan de do adirê azadîye dahîna gir bikero û bibo destpêkê têkoşînê na serre. Newroze semedê ma kurdan têna roja keyfî nîya, ma na roje sey roja xoverdayîşî pênas kenê. Dişmeno ke wazeno Kurdîstanî îşxal bikero, wazeno kulturê ma zî çîn bikero. Ma do emser bikerê serra azadîye ya Rayber Apoyî û serkewtişî.  Ma do bi ruhê xoverdayîşî yê Mazlûmî adirê Newroze dahîna gir bikerê.

Ma do bi ruhê nê xoverdayîşî  bibê wayîrê estbîyayîş û nasnameyê xo. Semedê ma Newroze sîmgeyê xoverdayîş, haştîye, yewîye û azadîye yo.Ewro ma koyanê Kurdîstanî de vera heme hêrişanê dişmenî semedê azadîya şarê xo û serkewtiş têkoşîn kenê. Ma rêça Mazlûm Doganî ra şinê. Ewro bi hezaran Mazlûmî koyanê azadîye de şer kenê. Gerek ma vera dişmenê îşxalkerî wayîrê nasname û kulturê xo bivejîyê. Se beno wa bibo ma do çok medê û têkoşîn û xoverdayîşî çirey cameverdê. Çew nêeşkeno çîqê adirê ma yê xoverdayîşî hewna bikero.''

Dilxwaz Germiyan zî vat: ''Semedê şarê kurdî  Newroze sîmgeyê xoverdayîş û serkewtişî  yo. Şarê kurdî heta ewro raştê xeylêk hêrişanê îşxal û qirkerdişan ame. Kurdan vera nê tim xover da û sere wedarit. Xoverdayîşê Kawayê Hemdemî Mazlûm Doganî û hemrayanê ci naye rê nimûne yo. Vera qirkerdişê kulturkî yê dewleta tirke ya faşîste milê xo çewt nêkerd û heta nefesê xo yê peyêne xover da.  Xoverdayîş çend şino gird beno. Ewro her gerîlayê PKKyî ke vera îşxalî xover dano, bîyo Kawayê Hemdemî.''