Gerîlayanê YJA Starî Faraşîne Zagros û Arjîne Destan Bakur ANFyî rê roşanê Newoza 2023yî erjna ke sere de Kurdîstan, Tirkîya, welatanê Rojhelatê Mîyanênî û çar hetanê dinya de bi coşê pîlî  ame pîrozkerdene.

Gerîlaya YJA Starî Faraşîne Zagros vat: ''Ma pê ruhê xoverdayîşî kewtê Newroza 2023yî. Şarê kurdî tarîxî ra nata serkêşîya Kawayanê hemdeman de vera Dehaqan serewedareno.  Bi Newroze şarê kurdî dahîna zaf virar şino têkoşînî ra. Ma sey gerîlayan soz danê ke ma bo  bi wesîleya Newroze têkoşînê xo xurtêr bikerê. Bi Mazlûm, Rahşane û Bêrîvanan têkoşînê azadîye xurtêr bi û do dahîna xurt bo. Ma sey gerîlayan do koyanê Kurdîstanî de adirê Neweroze gir bikerê û bibê layiqê nê xoverdayîşî. Seke yeno zanayene ma dewrê zehmetî ra ravîyarenê. Şarê ma rîyê felaketa erdlerzî dejanê girdan anceno. Ma zî soz danê ke ma do bi xoverdayîşî birînanê şarê xo bipeşê.''

Gerîlaya YJA Starî Arjîne Destan Bakur vat: ''Newroze ma de hîsanê heyecan û serhildanî afirneno. Xora Newroze bi xo ruhê xoverdayîş û serhildanî yo. Ma nê mîrasê tarîxîyî genê xo ser û coş û keyê Newroze ciwîyenê. Ma ewro adirê ke Mazlûm, Zekîye, Rahşane, Ronahî û Bêrîvanan fîna ta, Newroze pîroz kenê.Xoverdayîş û keda înan hêz dano têkoşînê ma. Ma rêça xeta xoverdayîşî ya şehîdanê xo de semedê çînkerdişê kolonyalîzmî her hele têkoşînî rê ame yê. Têna wina ma eşkenê sondê xo yê qesasî bîyarê ca.''