Artêşa tirke ya îşxalkere 2ê temuze de herêma Besta de ya ke mabênê merkezê Şirnex û qezaya Berwarî ya Sêrtî de ya, operasyonêko hîra dabi destpêkerdene.

Herême de 5ê temuze de pêkewtiş vejîya û di gerîlayê HPGyî şehîd bîyî. Cenazayê gerîlayan wedarîyayî morgê Neweşxaneyê Dewlete yê Şirnexî.

Bado ke merdimanê gerîla  Kahraman Karataş (Bengîn Barmanî) testê gonî viraşte 6ê temuze de cenazaya înan ameye teslîmkerdene.

Keyeyî saetanê şewe de cenazaya xo girewte û berde dewa Barmanî ya qezaya Stewrê ya Mêrdînî. Cenazaya gerîlayê şehîdî saetanê şewe de badê caardişê wecîbeyanê dînîyan ameye definkerdene.  Semedê Karataşî keyeyê ci de tezîye ameye ronayene.