Meylaya Ormanî ya qezaya Geverî ya Colemêrgî de Reya 6’ine hêzanê deweletê hêrişê goristanî kerd.

Goristano ke endamê HPG, YPG û YPJ ya pîya Suleyman Aksû yo ke hêrişê DAÎŞ’î yê 2015’î yê Pîrsûsî de cuya xo vînî kerde tede yê reyna  raştê hêrişê polîsan  ama. Goreyê şahîdan şewa Pancşeme  polîsê têgêrayîşê taybetî bi 4 wesayîtanê  zirxinan û yew kepçe hêrişê goristanî kerd.

Ame vatene ke polîsî goristan bi saetan goristan de mendî û serûbin kerd. Dêsê dormeyê goristanê ame rijnayene, vilikê serê goran û kerrayê ke nameyî ser o nuşteyî ameyî perçekerdene. Rêçê linganê polîsan hema serê goran de ya.