Menga gulane de sereştişê keyeyan de Hemsereka MEBYA-DERî Gulîstane Onver, îdarekarî Azîz Oner, Cevdet Bîlekçî, Ceyda Dîndar, Mahmût Dîndar, Cîhat Aksû, Emîne Şaybak, Halîl Karakoç, Halîme Suslu, Îsa Demîragaç, Kamûran Çîftçî, Mûhsîn Demîr, Nebî Kaçak, Nûhî Alici, Savaş Encu, Sureyya Azbag û Şevket Kaplan ameybî destbendkerdene.

18 kesan ra Azîze Oner, Gulistan Onver, Ceyda Dîndar, Cîhat Aksû, Halîl Karakoç, Kamûran Çîftçî, Mahmût Dîndar, Seracettîn Bayhar û Şevket Bayhar bi îdîaya 'endamîya rêxistine' tepişîyayî û erşawîyayî zîndanî.

Dozgerîya Komare ya Wanî 7 mengan ra dima îdîaname amade kerd û îdîa kerd ke MEBYA-DER dewamê MEYA-DERî yo ke 2016 de bi KHKyan amebi qefilnayene.

Îdîaname de viraştişê kerraya goran û definkerdişê cenazayan sey 'karê rêxistinîye' ameyî pênasekerdene û zîyaretê xeyma serweşîye ya gerîlayan zî sey 'sûc'î ame pênasekerdene. 

Îdîaname de xebera ajansê ma ya bi serrnameyê 'Îdarekarê MEBYA-DERî ameyî destbendkerdene' sey sûcî ameye mojnayene û îdarekarê komele sey 'îdarekaranê rêxistine' pênase kerd.

Dozgerîye derheqê xebera ANFyî de vat ke 'rêxistine wayîra nê kesan vejîyena.'