Mazlûm Dag û Abdurrahman Er ê ke Hewlêrê Başûrê Kurdîstanî de hetê PDKyî ra ameyî tepiştene, zîndan de raştê zextanê giranan ameyî. Dag û Erî vera binpaykerdişanê heqan grevê vêşanîye dabi destpêkerdene. Çalakîyan înan di mengê xo de kerdî.

  Çalakîya ke 18ê gulane de vera şertê kincanê yewtipî ameye destpêkerdene, seba ke waştişê înan nêameyî ca dewam kena. Tepişteyan 23ê hezîrane de bi telefonî merdimanê xo rê vat rewşa înan a weşîye giran a, nêweşxane de doktor û derman çîn ê û des rojî yo çewî ê zîyaret nêkerdî. Dîya zanayene ke Erî 20 û Dagî 10 kîloyî eştê.