Hemserekîya Konseya Rayberdişî ya KCKyî eşkerayîya nuştekîye daye û bale ante ser ke vera Mazlûm Dag û Abdurrahman Erî planêko giran est o.

Eşkerayîya KCKyî ra qismêk wina yo:

" Mazlûm Dag û Abdurrahman Er ê ke zîndanê Hewlêrî de yê, 50 rojî ra zafêr o grevê vêşanîye de yê. Gerek şar û dezgehê demokratîkî wayîrê înan bivejîyê. Bitaybetî derheqê nê wird tepişteyan de zanayîşê xeletî yenê vilakerdene. Gerek nê zananyîşê xeletî bêrê raştkerdene û derheqê Mazlûm Dag û Abdurrahman Erî de zanayîşo raşt bêro dayene. Înan çalakîya ke  Hewlêr de vera endamê MÎTÎ ameye kerdene de ca nêgirewt, tena embazanê ke çalakîye kerde, înan rê hetkarî kerde. Embazanê ke na çalakîye kerd, înkey serê karê xo de yê. La rayapêroyî vana qey Dag û Erî çalakîye kerda. No zanayîşo xelet tay eşekrayîyanê  dezgehanê ma de zî yeno vînayene.

Endamê MÎTî yo ke Hewlêr de ame pirodayene, talîmatê qetilkerdişê şorişgêrê erjîyayeyî hemra Helmetî dabi. No şexs nê semedî ra ame hedefgirewtene û pirodayene. Pirodayîşê kesê ke Helmet embaz qetil kerd qey hend zorê PDKyî şino. PDK qehrê xo bi îşkencekerdişê Mazlûm Dag  û Abdurrahman Erî mojneno. Tepişteyî zî vera îşkenceyî kewtî grevê vêşanîye.  Gerek şar, rêxistinê komelê sîvîlî û dezgehê demokratîkî wayîrê nê wird tepişteyan bivejîyê.

Reyna çîyo bino ke gerek bêro zanayene; dewleta tirke wazena Mazlûm Dag û Abdurrahman Erî zîndan de qetil bikero. MÎT tay ajanî rêxistin kerdî ke zîndan de wird tepişteyan bikişê. Tay ajanê MÎTî ke semedê nê qetilkerdişî wezîfe dîyayo ci hetê hêzanê ma ra ameyî tepiştene. Înan ra yew Yasin Ali Hidir o.  Nê kesî verî mudirîya zîndanî kerda. Hetê MÎTî ra ameyo tepiştene ke zereyê zîndanî de tay tepişteyan vera Dag û Erî rêxistin bikero ke înan qetil bikerê. Semedê nê pere zî girewto. Şertê tepişteyan zehmet ê û vera înan planê giranî est ê. Dag û Er destê PDKyî de yê.  PDK semedê înan berpirsîyar o. Eke çîyêk bêro înan sere berpirsîyara ci PDK yo. Hema ke erey nêbîyo gerek her kes wayîrê înan bivejîyo.”