Ciwanê kurdan Halim Dener o ke 30 serrî verî  Almanya de hetê polîsan ra ame qetilkerdene. Bajarê Hannoverî yê Almanya de semedê Denerî Aktîvîteya yadkerdişî ya bi nameyê Yewkerdişê Têkoşînî de ameye organîzekerdene.  Hezar û 600 kesî tewrê aktîvîte bîyî.

Cayo ke Halim Dener tede ame qetilkerdene tîya mûmî ameyî tafînayene û vilikî ameyî ronayene.

Qiseykerdişê akerdişî hetê birayê Halim Denerî Aydin Denerî ra ame kerdene. Aydin Denerî vat na aktîvîte ramojnena ke Halim hema vîra nêşîyo. Nayî sero çapikî ameyî kuwayene û slogana "Şehîd Namirin“  ameye vatene.

Bi nameyê Rote Hilfe û Kampanyaya Halim Denerî zî qisyekerdişî ameyî kerdene. Bloganê cinîyan û ciwananê ke aktîvîte rê serkêşîye kerd fotografê Denerî kiriştî.  Aktîvîte de balonê ke bi sembolanê PKK, YPG û YPJYî ameyî xemilnayene ameyî ramojnayene û qedexekerdişê nê sembolan ame protestokerdene.

Îskeleyêkê Unîversîte de beyraqa girde ya PKKyî ameye daliqnayene. Wextê aktîvîte de sembolî dêsan de ameyî spreykerdene. Tay sembolî hetê polîsanê Almanya ra ameyî tewreyanê çopî ameyî qefilnayene.

Qiseykerdişan de polîtîkaya Almanya ya vera kurdan ameye protestokerdene û ame waştene ke wa qedexeyê serê PKKyî bêro wedaritene. Tewrbîyayoxanê aktîvîte waşt wa semedê Halim Denerî edalet bêro caardene.

Rixmo ke aktîvîte problemê çînêbo polîsan bi keyfî zext kerd. Wextê aktîvîte de hîrê û dima zî di kesî ameyî destpbendkerdene. Reyna yew di kuçeyan de zî kontrolî ameyî kerdene.

Kesê ke tewrê aktîvîte bîyî vat ê do vîardişê Halîm Denerî ganî tepişê û aktîvîteyanê xo rê dewam bikerê û semedê Halim Denerî edalet waşt.