Fermandaranê HPGyî ra Hawar Surucî Komployo Mîyanneteweyî yê 15ê Sibate yê vera Rayberê Şarê Kurdî Abdullah Ocalanî ANFyî rê ercna.

Qiseykerdişê Suruçî ra beşêk wina yo:

''Ma hê kewenê serra 24. ya komployî. Her roja ke Rayber Apo azad nîya, seba ma babeta rexnedayîşî ya. Ma nê komployî bi tujî lanet kenê. Ma eşkenê pê pratîk û têkoşînê xo Rayber Apo mîyanê dêsan ra bixelisnê. Tarîx de sey komployê vera Rayber Apoyî komployêko bîn çin o. Nê komployî armanc kerd ke şexsê Rayber Apoyî de pêro kurdî çin bikerê. Komplo hetê hêzanê emperyalîstan ra ame kerdene û Tirkîya zî gardîyanîya ci kena.  

Wexto ke Rayber Apo tepişîya komplogeran vat ke têgêrayîşê azadîye do biqedo. Rayber Apo bi serran kede daye û kadroyê têkoşînî awan kerdî. Coka waştişê komplogeran qirikê înan de mend. Înan texmîn nêkerdêne ke şar hende wayîrê Rayber Apoyî vejîyo, nêrazîbîyayîşê xo vera komployî bimojno. Şar dormeyê Rayber Apoyî de ame yewca, bi çembero adirin. Komplo bi nê hawayî ame pûçkerdene. O çax çalakîyê 'Şima nêeşkenê tîja ma tarî bikerê' ameyî kerdene, ma waşt hîna zaf çalakîya fedayîye bikerê. La Rayberîye ma vindarnayî. Komplogeran qet nê kerdişî texmîn nêkerdbî. Nika komployî 23 serrî xo pey de verdayî la hema zî dewam keno. Armancê nê komployî ame pûçkerdene la a raşte komplo nêqedîya. Xoverdayîşê Werxelê, Girê Sor û Zendûra pêro seba pûçkerdişê komployî yê û têkoşînê ma zî bêmabên dewam keno.

Komployî armanc kerd ke têkilîya gerîlayan a bi Rayberîye biqerifnê ke bieşkê gerîlayan çin bikerê. Rayber Apo mîyanê çar dêsan de bo zî zerrî û mezgê ma de yo. Rayber Apo seba ma ne fikrêk o ne zî kesêk o. Dewleta tirke û rayaumûmîye ganî na raştîye hol bizanê. Xêrê Rayber Apoyî ra ma xo ver danê, no hêz mîyanê gerîlayanê azadîye de esto. Serra 2022î de zî dewleta tirke do pê tank, top, teyara û çekanê kîmyewîyan zî do nêeşka ma rayîrê Rayber Apoyî ra dûrî, bifînê. Ganî pêro şarê bindestî dormeyê Rayber Apoyî de bibê yew û paştî bidê têkoşînê azadîye. Warê mîyanneteweyî de zî rayber û zanyarî ganî bi eşkerayîyan wayîrê Rayber Apoyî vejîyê.

Heta ke Rayber Apo azad bibo ma do têkoşînê xo rê dewam bikerê. Ma serra 24. de kompo bin bikerê û azadîya Rayber Apoyî bîyarê ca. Ma sey hêzanê gerîlayan heta azadîya Rayber Apoyî mevinderê.''