Çarçewaya Hemleya Rayber Apoyî Azadîye, meseleya kurdan rê çareserîya sîyasîye de ya ke mabênê tarîxanê 13-23yî de ameye rayraberdene, kampanyaya îmzayan a 10 rojan ameye rayraberdene û seba ke netîceya kampanya bêro parekerdene Parlamentoyê Arjantinî de aktîvîteyêke ameye organîzekerdene. Aktîvîte hetê Wezîrîya Karanê Teberî ra ameye betalkerdene.

Naye ser o wekîlanê Frente de Izquierda de los Trabajadores (FIT), temsîlkaranê sendîqayan, temsîlkaranê bi desan dezgehanê komelê sîvîlî û têgêrayîşanê cinîyan zî tede verê Parlamentoyê Arjantînî yê Buenos Airesî de kombîyayîşê çapemenîye kerd. Çalakîye de hemkarîya dewleta tirke û Arjantinî ameye şermezarkerdene.

Eşkerayîya çapemenîye de îmzakerdoxanê kampanya ra û endama Pañuelos en Rebeldía Mirta Israel modere kerd. Wekîlê FITî Vanina Biasi, Monica Leticia Schlotthawer, Nicolas del Caño ke tewrê eşkerayîye bîyî eşkerayîya hempare wende û  hemkarîya Wezîrîya Karanê Teberî ya Arjantinî şermezar kerd û vat: ''Nika seba xurtkerdişê Hemleya Azadîye sebebê ma dahîna zaf ê.''