Endamê Komîteya Rayberdişî ya PKK’yî Dûran Kalkanî ard ziwan ê bi xoverdayîşêkê pîlî kewenê 1’ê Gulane Roşanê Karker û Kedkaran û bale ante serê çalakîyanê grevê vêşanîye yê ke xeylî cayanê dinya de vila bîyê.

Kalkanî vat çar perçeyê Kurdistanî de, çar hetanê dinya de cinî, ciwan, kedkar; şaro Kurd her cayî de seba azadî û demokrasîyî mucadele kenê û vat, “Şaro Kurd seba wedartişê tecrîdî 24 saetan payra yo. Zîndanan de bi hezaran tepişteyê azadîye grevê vêşanîye de yê. Ma bi xoverdayîşêkê winayênî kewenê 1’ê Gulane.”

Kalkanî derheqê 1’ê Gulane Roşanê Karkeran û xoverdayîşê grevê vêşanîye de nê ercnayîşî kerdî:

“Nika ra ez roşanê heme karker û kedkaran pîroz kena. 1’ê Gulane roja yewbîngirewtişî û mucadeleyê şarê Kurdî, şarê kedkaran û cinîyan a. Ma sey têgêrayîş û şar bi merheleya xoverdayîşî ya ‘Ma do tecrîdî bişiknê, faşîzmî birijnê û Kurdistanî azad bikerê’ kewenê 1’ê Gulane. Senî ke ma bi na hemle kewtî 8’ê Adare û Newroze, nika zî m abi xoverdayîşêkê winayênî kewenê 1’ê Gulane.

Bi Hezaran Tepişteyî Bi Mengan O Grevê Vêşanîye De Yê

31’ê Adare de derbeyêko pîl dîya faşîzmî ro. Ez bawer kena ke do şaro Kurd her cayî de bi coşêkê pîlî 1’ê Gulane pîroz bikero. Her roje deşt û koyan de gerîlayê ma yê qehremanî şer kenê. Şaro Kurd seba wedartişê tecrîdî 24 saetan payra yo. Zîndanan de bi hezaran tepişteyê azadîye grevê vêşanîye de yê. Ma bi xoverdayîşêkê winayênî kewenê 1’ê Gulane.

Ma yewîya tewr pîle mucadeleyê xo de awan kenê. no mucadele Kurdan ano têkîşte û şaranê Tirkîya û Rojakewtena Mîyanêne dorê xo de cemêneno. Şerê ma yê Kobanê û Baxozî na yewîye ramojnenê.

Heman wextî de mucadeleyê ma hemverê faşîzmê AKP-MHP’yî de zî yewîyêka winayêne awan keno. Şaro Kurd 45 serrî yo ke bêvindertiş hemverê polîtîkayanê çinkerdişî de xover dano. Hemverê fehmê qirkerdoxî de bi xetêka fedaîye, bi qehremanîye şer keno. Seke ma merheleya ke bi serkêşîya Leyla Guvene de dest pêkerde de zî dî, Kurdî her cayê dinya de verê xo danê azadîye û demokrasîyî.

Yeno dîyene ke do no 1’ê Gulane mucadeleyê azadîye û demokrasîyî hîna bikero xurt. Tayêyan îdîa kerd ke sosyalîzm bin kewt û hendî mucadeleyê karker û kedkaran nêmendo, la ame dîyene ke karker û kedkarî mucadeleyê xo domnenê. Yeno dîyene ke paradîgmaya Rayber Apoyî de sosyalîzmêko newe awan beno.

Hemleya Xoverdayîşî Do Bi 1’ê Gulane Bireso Dereceya Berze

Roşnayîya pratîk û teorîke ya mucadeleyê azadîya Kurdistanî her ca de vila beno. Naye ra ma bawer kenê ke do hemleya ma ya xoverdayîşî ya Kurdistanî 1’ê Gulane dir bireso dereceya berze û rayîrê serkewtişê mendeyî de aver şiro. Heman wextî de ma bawer kenê ke nê 1’ê Gulane de cinî, ciwan, karker, kedkar û hêzê antî-faşîstî û anrî-kapîtalîstî do çeqêkê pîlî tafînê. Ez nika ra şexsê sinifa karkeran de 1’ê Gulan a heme kedkaran pîroz kena û mucadeleyê înan ê azadîye, demokrasîyî û sosyalîzmî de înan rê serkewtiş wazena.”