Hemşedarê Bajarê Girdî yê Amedî Selçûk Mizrakli û Hulya Alokmen Uyanike bi nîşanê serkewtişî û sloganan kewtê banê şaredarîye. Mizrakli û Uyanike eşkerayîya çapemenîye de qisey kerd.

Ma Mazbatayê Xo Şarê Xo Ra Girewtî

Uyanike vat ke tîya yê şarî yo û do tim wina bimano û  pest pa: ‘‘Şarê ma yo ke qeyûmî şawitî nînan rê spas kena. Biciwîyo cuyaya bianor.  Îqtîdar wazeno ke cinîyan keyeyan de heps bikero. Ma nê kayanê înan vînenê û vanê ke rika naye ra ma do hîna zaf kuçeyan de bê.  Wazenê ke bi kayanê leyminan Baglar de qeyûm bide domnayene.  Ma mazbatayê xo 31’ê Adare de şarê xo ra girwtî û no do wina dewam bikero. Wa naye her kes hol bizano.‘‘

Cemre Kewt Awe, Hewa û Herre

Selçûk Mizrakliyî zî serekwtişê şarî sey cemreyî name kerd û va: ‘‘ 31’ê Adare de cemre kewt awe, hewa û herre.   Şaredarîya ma ke bîlaheq ma dest ra ameyebî giretene ma peyser girewte. No serkewtişê şarê ma yo. Şarê Amedî rixmê heme zextê dişmenî xo verda û ser kewt. Ê ke tim qala  edelatê Hz. Omerî kenê sey Yezîdî tê gêrenê. Bi qeyûm û derbeyan wazenê heqanê ma xesp bikê. Nika zî mazbatayanê hemşaredayanê ma yê serkewteyan nêdanê înan. La ê se kenê wa bikerê, vera îradeyê no şarî do tim vîn bikerê.  Ma do Konseya Bajarî newe ra aktîf bikê pêro pîya bixebitê û miheqeq ser bikewê.‘