Hemşaredarê Yenîşehîrî Îbrahîm Çîçek û hemşaredarê Peyasî Necatî Pirînçoglu yê ke weçînitişê 31’ê Adare de hetê şarê Amedî ra ameyî weçînayene û hetê YSK’yî ra mazbatayê înan ameyî xespkerdene herinda înan de HDP’yî di hemşaredarê neweyî bewlî kerdî.

Merkezê Heyetê Rayberdişî yê Îdareyanê Cayîyan ê HDP’yî bi rêxistina Amedî kombîyayîşêk viraşt û herinda hemşaredaranê Yenîşehîr û Peyasî yê ke mazabatayê înan nêameyê înan dayene de hemşaredarê neweyî bica kerdî. Goreyê naye Mehmet Devîren bi hemşaredarê Yenîşehîrî û Davût Keser zî bi hemşaredarê Peyasî.