Hemsereka KNKyî Zeynebe Murad, Îdarekara KNKyî Şêrko Heme Emîn, doktor Hemîd Latîf, rojnameger û çalakîker Şoreş Xidir, Endama KNKyî Faîze Firad, Endamê KNKyî Fîyad Hîdanî, Cigêrayox Çeto Hewlêr û Endamê KNKyî û rojnameger Latîf Fatîh sey heyetêkî Şingal zîyaret kerdbi.

Hemsereka KNKyî Zeynebe Murad derheqê zîyaretî de ANFyî rê qisey kerd.  Zeynebe Murad îfade kerd ke heyetê înan waşt ke rewşa Şingalî nêzdî ra teqîb bikerê coka Şingal zîyaret kerdo. 

Zeynebe Murad vat: ''Ma zîyaretê xo de dî ke rixmê her çîyî zî şarê ma wayîrê îradeyî yo û payan ser de yo. Hetêkî ra dewleta tirke hêrişê Şingalî kena. Şingal erdê Iraqî yo. Rixmê ney zî dewleta tirke Şingalî ser o bombayan varnena. Ma zîyaretê Îdareyê Xoserî û asayîşî kerd. Sey KNKyî Şingalî ser o xeylêj projeyê ma estê. Ganî pêro kurdî wayîrê Şingalî vejîyê. Şingal birînêka neteweyî ya. Ganî her kes pê na birîne biheso û bipêşo. Ganî ma wayîra na birîne vejîyê û rayîr medê dewleta tirke.''

Zeynebe Murad da zanayene ke yewîya neteweyîye çareserîya Şingalî ya û vat: ''Yewîya neteweyîye eşkena biba sebebê çareserkerdişê meseleyanê Şingalî. Şingal babetêka neteweyî ya.''