DBP’yî derheqê hemserekê bajarî yê DBP’yî yê Agirîyî Bahattîn Temelî de cipersayîş da destpêkerdene. DBP’yî da zanayene ke weçînitişê 31’ê Adare de seba ke HDP Agirî de bin kewt, Temelî îdîayê bêbingeyî kerdê û na yewe ra zî derheqê ê de cipersayîş ameyo destpêkerdene. 

‘Goreyê Menfaatanê Xo yê Şexsîyan Têgêra’

DBP’yî derheqê babete de eşkerayîyêka nûştekîye weşanaye û vat ke “Prosesê weçînitişî de seba ke mesuldarê xo yê organîzasyonkîyî qey menfaatê xo yê şexsîyî şuxulnayê, xebatê ma yê partîye dayê vindarnayene, rîyê nê tewirê ê ra zirar ginayo organîzasyonê ma ro. Seba ke îdîayê bêbingeyî derheqê temsîlkar û sazîyanê ma de kerdê, waşto munaqeşeyêko leymin û fesadîye bikero. Bi nê hawayî zirar dayo dîsîplînê organîzasyonê ma. Temel vero ke raporê derheqê ê biqedîyo, eşkerayî daya çapemenîye.”

Eşkerayîya DBP’yî de ame vatene ke Temel bi waştişê îxracî sewqê Heyetê Dîsîplînî ameyo kerdene û tu rastîya îdîayanê ê çina.