Hemserekê Kongreya Neteweyî ya Kurdîstanî (KNK) Ahmet Karamusî Hewlêr de Komeleya Dadgerî ya Kurdîstanî, Partîya Pawitoxan a Kurdîstanî û Yewîya Neteweyî ya Demokratîke ya Kurdîstanî de derheqê hêrişanê îşxalî û yewîya kurdan de pêvînayîşî kerdî.

Karamus Komeleya Dadgerî ya Kurdîstanî de hetê endamanê partîye ra, Partîya Pawitoxan a Kurdîstanî de hetê serekê partîye Acar Sûrçîyî ra û Yewîya Neteweyî ya Demokratîke de zî hetê sekreter Gafur Mexmûrî û endamanê polîtburoyî ra ame pêşwazîkerdene.

Pêvînayîşan de vera hêrişanê îşxalî, sewqîyatê leşkerî û tehdîtanê îşxalî yê dewleta tirke tewirêko hempar ame girewtene. Pêvînayîşan de babeta yewîya neteweyîye zî ameye ercnayene.

Pêvînayîşan ra dima Karamus welatperwer û roşnvîran de zî ame têhet û tîya de ey qalê astengîyanê vera yewîya neteweyîye kerd.

Pêvînayîşê Karamusî do dewam bikerê.