Vizêr taxa 94î ya qezaya Pilurî ya Dêrsimî de Huseyîn Bîtero ke seba ke vewre pakî bikero vejîyabi serbanî gina erdî ro û dinyaya xo bedilnaye.

Goreyê zanayîşan Huseyîn Bîter serê sibayî vejîya serbanî la dima gina erdî ro. Dima ke hemwelatîyan xebere daye ekîpanê weşîye Bîter pê ambulansî berd Nêweşxaneyê Dewlete yê Pulirî. Bîter rixmê pêro xîretan zî nêweşxane de şi heqîya xo.