Operasyono leşkerî yo ke 10’ê menge de qezaya Hêneyî ya Amedî dest pêkerdibi, vizêr saete 22.00 de qedîya. Ame zanayene ke operasyon bi tewrbîyayîşê xeylî yewîyanê taybetan, polîs û qorucîyan ameyo viraştene û bi helîkopteran zî ameyo destekkerdene.

 Leşkeran Eşt Serê Keyeyan û Ewnîya GBT’yê Hemwelatijan ra

Çarçewaya operasyonî de serê rayîran de nuqteyê kontrolî ameyî ronayene û erzîya serê xeylî keyeyan. Ame pêhesnayene ke sereştişanê keyeyan de û nuqteyanê kontrolî de leşkeran 693 kesî Kontrolê Hayidarîyê Pêroyîyî (GBT) ra ravêrnayî. Heman wextî de sey merdiman wesayîtî zî bi heman hawayî ameyê sehnayene.