Hêrişê dewleta tirke de di pêşmergeyî şehîd bîyî
Dîya zanayene ke hêrişê dewleta tirke yê vera qezaya Dînartê ya Dihokî de di pêşmergeyî şehîd bîyê.
Dewleta tirke ya îşxalkere 20ê sibate de saete 18.45 de dewa Kafîya ya qezaya Dînartê ya Dihokî dabî bombayan ver.
Ame parekerdene ke hêriş de di pêşmergeyî şehîd bîyê û di kesî zî birîndar bîyê.
PDKyî ancî derheqê hêrişê dewleta tirke de eşkerayîyêke nêdaye. Hukmatê Herêma Kurdîstanî zî derheqê babete de agahîyêke nêdaye.
Dîya zanayene ke pêşmergeyî wexto ke binê Koyê Sîyarê de bax û baxçeyan de xebitîyayêne bîyê hedefê hêrişî.
Serra 2015î ra nata Başûrê Kurdîstanî de hêrişê dewleta tirke ya îşxalkere de tewr tay 152 sivîlî ameyî qetilkerdene û 228 sivîlî zî birîndar bîyî.
