Goreyê zanayîşanê ke ameyî giretene rayîrê Amûdê-Dirbêsiyê de wesayîtê çekdar ê bêmerdimî yê dewleta tirke da wesayîtêkî ro. Netîceya hêrişî de sîvîlêk şehîd bi û hîrê kesî birîndar bîyî.

Şehîd û birîndarî wedarîyayî Nêweşxaneyê Şarî yê Amûdê. Seba ke xetanê ceyranî zî hêrişî ra zirar dî 40 dewî bêceyran mendî. Ekîban dest pê xebatanê ceyranî kerd. Herême de têgêrayîşê wesayîtanê bêmerdiman dewam keno. Hetê bînî ra dewê Til Dîyabî yê Zirganî zî dîyaye bombayan ver.