Ciwanê Mexmûrijê ke Hewlêr de xebityenê, dimayê hêrişê vera Konsolosxaneyê Tirkî, Hêzanê Asayîşî yê Hewlêrî eşt keyeyanê înan ser û 16  tenî destbend kerdî. Ame vatene ke sereştişo ke keyeyê ciwanan ameyî serobinkerdene de kesanê ke Tirkî qisey kerdene estbî.

Hewlêr de 17’ê Temmuze de yew restorand de vera kesanê ke Konsolosxaneyê Tirkî de xebityenê hêriş amebi kerdene û 3 tenî merdîbî. Hêzanê Asayîşî yê Hewlêrî dimayê nê hêrişî eşt keyeyanê ciwananê Mexmûrijan ser û 16  tenî destbend kerdî. Destbedkerdeyan ra 11 tenî ewro ameyî veradayene, 5 tenî hema nezaret de yê. Goreyê zanayîşo ke ciwanê ke ameyî veradayene ra ameyî girewtene, sereştiş de tayînan bi Tirkî  qisey kerdene û ciwanan ra vato, ‘Ma zanê şima kamê, şima paştgerê PKK’yî yê’’.