Qezaya Seyîdsadiqî ya Silêmanî de dewleta tirke ya îşxalkere bi hêrişê hewayî wesayîtê rojnamegeran kerdbî hedef û hêriş de rojnamegerê cinîyî Gulîstane Tara û Hêroye Bahadîn şehîd bibî. 

Rojnamegera şehîde Hêro Bahadîn vizêr Goristanê Qeretoxanî yê Silêmanî de, serê gorê xo de ameye yadkerdene.

Yadkerdiş de nameyê Produksîyonê Chatrî ser o Hawjîne Şiwane qisey kerd û vat: ''Ma şexsê Gulîstane û Hêro de soz danê ke rayîrê azadîya komelî û azadîya cinîyan de rêçê şehîdan de xebatanê xo rê dewam bikerê.''

Nameyê Komîteya Kultur û Hunerî ya Başûrê Kurdîstanî ser o Kara Mihemed hêriş şermezar kerd û vat: ''Nê hêrişê dewleta tirke netîceya peymana mabênê Anqara û Bexdadî de yenê kerdene.''

Yadkerdiş bi slogananê sey "Şehîd namirin" û "Jin, Jiyan, Azadî" qedîya.