Herêma Hesandînî ya qezaya Pasûrî ya Amedî de 15 rojan ra nata seba awankerdişê baregehê leşkerî xebatê viraştişê rayîrî yenê kerdene.

Roniştoxê herême, rêxistina DEM Partî, Komîsyonê Xoza yê Baroyê Amedî, endamê OHDyî û endamê Komeleya Ekolojî pîya şîyî cayê xebate. Dewijan ard ziwan ke ê herême ra yenê dûrîvistene û înan waşt ke xebate bêra vindarnayene.

Leşkerê ke ameyê înan vat ke xebate seba gêrayîşê madenî ney seba awankerdişê baregehê leşkerî yo. Dewijan fermandarê qereqolî de pêvînayîş kerd û waşt ke wa xebate bêra vindarnayene.

Hemwelatîyan pare kerd ke ê do vera talanê xozaya xo têkoşîn bikerê.