Heta nika tu hes xeberdarê Rojnewsî Bradostî ra çino!

Xeberdarê Rojnewsî Zubêr Bradostî yo ke hetê asayîşê PDK’yî ra ameyo destbendkerdene 7 rojî yo tu hayîdarî ê ra nêna girewtene.  

Xeberdarê ajansê Rojnewsî Zubêr Hemedemîn Nebî yo ke sey Zubêr Bradostî yeno naskerdene, 21’ê menge de hetê pêşmergeyanê PDK’yî ra ame destbendkerdene.

 Goreyê hayîdarîyanê ke kesêkê nizdê Zubêr Bradostî ra ameyê girewtene, Zubêr Bradostî hetê îstîxbaratê Fermandarîya Helgurdî ya ke pabesteya Partîya Demokratîk a Kurdistanî (PDK) ya ameyo vengdayene bi baregehê fermandarîye, dima ra ameyo destbendkerdene û ameyo şirawitene bi bajarekê Mesîfî yê Hewlêrî. Keye û merdimanê Zubêrî ra ameyo vatene ke qe persê ê nêkerê, heta ke ê bi xo xeberêk bidê keyeyî. Hêzanê asayîşî seba keyeyî ‘hîşyarîya’ heta ma veng nêdê şima çîyêk mekerê û paweyê ma bê kerde.

Sendîkaya Rojnamekaranê Kurdistanî derheqê destbendkerdişê rojnamekar Zubêr Bradostî de razînêbîyayîşêk nêramot. Mesuldarê Sendîkaya Rojnamekaranê Kurdistanî Soran Îsmaîl Îbrahîm herinda ke destek bido, eşkerayîyanê teberê rastîye dano û Zubêr Bradostî bi sûcê ‘ajanîye’ sûcdar keno.