Parlamentoyê Herêma Kurdistanî de YNK, Têgêrayîşo Newe yê Nesîlî, Komela Îslamî, Yekgirtu û Têgêrayîşê Goranî ra 15 parlamenteran seba ke derheqê îşxalê dewleta Tirkî yê Başûrê Kurdistanî de roniştişêk bêro virşatene, dîlekçeyî dayî Serekîya Parlamentoyê Herêma Kurdistanî.

Parlamenteranê ke  dilekçeyi dayî da zanayene ke eke roniştiş bêro virşatene ê do veng bidê hukmatê Iraq û Herêma Kurdistanî ke wayîr xoserîya xo bivejîyê û vat  na berpisîyarîya neteweyî, fermî û merdimî ya. Yeno pawitene ke zereyê 14 rojan de heyetê serekîye yê parlamentoyî  wextê roniştişî bewlî bikero.

Başûr de xeylî roşnvîr, aktîvîst, sîyasetmedar, rojnameger û  nuştoxan îmazayê ke vera îşxalê dewleta Tirkî arê dayî vizêr teslîmê Ofîsê Silemanî yê Parlamentoyê Iraqî kerdbî. 52 parlamenteran zî paştî dayîbî kampanyaya îmzayan.