Grûba ke hemserekê pêroyî yê HDP’yî Sezaî Temellî, hemserekê Kongraya Cimatî ya Demokratîke (KCD)  û parlamenterê Agirî  Berdan Ozturk, serekwekîlê Grûba HDP’yî û parlamentera Mersînî Fatma Kûrtûlane, hetkarê hemsereka/ê pêroyî  Nazmî Gur, vervatoxa Komîsyonê Tekîlîyanê Teberî û parlamentera Êlihî Felaknaz Ûca û parlamenterê Amedî Îmam Taşçierî ra ameye pêardene, serekê Herêma Kurdistanî Nêçirvan Barzanî dir pêvînayîş viraşt.

Heyetê hetê serekê Herêma Kurdistanî Nêçirvan Barzanî, berpirsîyarê Ofîsê Serekîye yê Herêma Kurdistanî Kerîm Sîncarî, berpirsîyarê Tekîlîyanê Teberî yê Hukmatê Herêma Kurdistanî Sefîn Dizayi, berpirsîyarê Telîlîyanê Tirkîya û Herêma Kurdistanî Ebdulselam Reşîd, berpirsîyarê Komîteya Tekîlîyanê PDK’yî  Elî Hisênî ra ame pêwazîkerdene. Pêvînayîş çapemenî rê qefilnaye dewam keno. Heyet ewro do saete 12 de Serekîya Parlamentoyî ya Herêma Kurdistanî de pêvînayîş virazo.