Badê hêrişê îqtîdarê AKP-MHPyî yê vera Şingal, Mexmûr û Dêrikî HDPyî ra çar wekîlan sey heyetî Şingal zîyaret kerd. Heyeto ke wekîlî Feleknas Uca, Murat Çepnî, Huda Kaya û Hasan Ozguneş tede ca genê Şingal de xeylêk dezgehî zîyaret kerdî. Heyet vat ê do pêvînayîşanê xo sey raporêk pare bikerê.

Heyetê HDPyî ewro qezaya Sinunê de PADÊ zîyaret kerd dima ra zî şi Meclîsê Şarî yê Xanesorî yo ke 11ê kanûne  2021î de raştê hêrişê teyarayanê şerî yê tirke amebi. Heyetî verê meclîsî eşkerayîye daye. Heyetî hêrişê dewleta tirke û DAÎŞî yê vera êzidîyan şermezar kerdî û vat ê tim paştî danê şarê Şingalî. Eşkerayîye de ame vatene ke ê do heme çimdarîyanê xo Anqara de şarî reyde pare bikere û vat polîtîkayê hukmatê AKPyî yê Şingalî sûc ê. Heyetî bale ante têkoşînê êzidîyan ser û vat Şingal de nêweşxaneyî, meclîsê şarî, cinî, doman û warê cuye dîyenî bombayan ver. Eşkerayîye de  bale ameye antene kultur tarîxê Şingalî ser û ame vatene ke komelê êzidîyan do tim Êzidxanî bipawo.