Hêzanê Xopawitişî yê Başûrê Kurdistanî, bi merasîmêkê eskerîyî koyanê Kurdistanî de bi eşkerayîyêka çapemenîye awankerdişê xo îlan kerd. Eşkerayîye de ame vatene, “Ma do bingeyanê hêzanê îşxalkarî yê Başûrî bikerê hedef.”

Eşkerayîye hetê fermandarêkê Hêzanê Xopawitişî ra ameye wendene û ame vatêne ”Qezayanê Cênakokî ya Başûrê Kurdistanî de hemleyêka Erebkerdişî, talankerdişî, kiştiş û remnayîşê hemwelatijan ameya destpêkerdene. Her dem Osmanîya Neweye îşxalkerdişêko newe vera temamê Kurdistanî û bi taybetî vera herêmanê Bradost, Kerkûk û Behdînanî kena. Çi heyfo ke, hêzê Başûrê Kurdistanî hemkarê nê îşxalkerdişî yê. Vinetişê înan ê vera talankerdişî, rûmetê ci yê kulturkî û hunerkî, ekomîk û cografîkî çin ê.”

Eşkerayîye de ama vatene, rîyê bêvengîya serdestdarîya Başûrî ya vera îşxalkarîya dewleta Tirkî ya serê erdê Başûrê Kurdistanî, Hêzê Xopawitişî yê Başûrî ameyî awankerdene. Eşkerayîye de ama vatene Hêzê Xopawitişî yê Başûrî, bingeyanê dewleta Tirkî yê Başûrê Kurdistanî kenê hedef. Hetê bînî ra vengdayîş hêzanê pêşmerge, hêzanê sîyasî yê Başûrî rê ame kerdene ke înan reyde Kurdistan ra îşxalkaran pak bikerê.