Dibistanê Herême yê Mendeyî (YİBO) yê ke Kurdîstan de sey lingêkê polîtîkaya şerê taybete bi waştişê asîmîleyî binê nameyê perwerdeyî ameyî ronayene domananê kurdan asîmîle kenê. Îdarekarê Komeleya Cigêrayîşanê Ziwan û Kulturî yê Mezopotamya (MED-DER) Ramazan Holatî derheqê polîtîkaya asîmîlasyonî ke bi destê YIBOyî yena rayberdene erjnayîşî kerdî.

Ramazan Holatî vat: ''Taybetnameyê YİBOyanî yo cîya est o. Krudîstan de zaf o. Nê dibistanî semedê kesanê ke îmkanê ci yê pewerdeyî çîn ê ameyî ronayene la welatanê sey Tirkîya de no bi waştişê cîyayî yeno şuxilnayene. Hedefo esasî domananê kurdan asîmîle bikerê, raştîya xo ra bifînî dûrî û bikerê tirk.''

Holatî bale ante ser ke Kurdîstan de bi destê dewlete asîmîlasyon yeno rayraberde û vat: ''Domanê ke nê dibistanan de mezûn benê ma vînenê ke ziwanê xo yê dayîkî nêşuxilnenê. Eke ziwanê yew komelî tira bêro girewtene destê ci de çîyêk nêmaneno.  Xeylêk lingê asîmîlasyonî est ê. Çend serranê peyênan de polîtîkayê asîmîlasyonî dahîna eşkera yenê vînayene. Vera nê zî yew têkoşîn est o.Şarê kurdî seba ke xo asîmîleyî ra bipawo çîyêko destê ci ra yeno keno. Şarê Kurdîstanî keno ke polîtîkayanê asîmîlasyonî betal bikero.

Ganî şuxilnayîşê ziwanî têna bi dezehan sînordar nêbo, wa her warê cuye de bêro şuxilnayene. Eke ma her warê cuye de ziwanê bişuxilnê ma eşkenê verê asîmîlasyonî bîgêrî. Ganî dadî û babîyî domananê xo dir kurdkî qisey bikerî. Ganî vera asîmîlasyonî têkoşîno topyekun bêro kerdene.''