Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:

''Herêma Metîna de;

Warê Xoverdayîşî yê Girê Hekarî de wesayîtê Reoyî yê îşxalkeran o ke waştêne pê leşkeran taqwîye bikero bi çalakîya sabotajî ameye pirodayene. Çalakîye de wesayît bi temamî ame îmhakerdene û 12 îşxalkerî tede ameyî cezakerdene. Artêşa îşxalkere zûre kerde vat ke na çalakîye de teyna 2 leşkerê ci kişîyayê. Artêşa îşxalkere 12ê hezîrane de enqazê wesayîtî wedarna.

Herêma rojawanê Zapî ya Şehîde Delîle de;

Warê Xoverdayîşî yê Girê FMyî de îşxalkerî 12ê hezîrane de 3 reyî dîyayî derbkerdene.

Warê Xoverdayîşî yê Girê FMyî de îşxalkerî 13ê hezîrane de 2 reyî dîyayî derbkerdene.

Warê Xoverdayîşî yê Girê FMyî de îşxalkerî 14ê hezîrane de pê çekanê giranan dîyayî derbkerdene.

Hêrişê artêşa îşxalkere;

12-13-14ê hezîrane de Warê Xoverdayîşî yê Girê Cûdî, Girê Amedîyê, Sîda Girê Biharî, warê Golka, warê Goşînê, Deşta Kafya, Dola Bolê, Girê Hekarî, dewa Şêlazê dîyayî bombayan ver.

Artêşa îşxalkere 13ê hezîrane de Warê Xoverdayîşî yê Sîda û Girê FMyî de kerd ke pê kepçeyan mewzîyanê xoverdayîşî birijna.''