Merkezê Îrtîbat û Çapemenîye yê HPG'yî netîceyê çalakîyanê Riha, Mêrdîn û Colemêrgî eşkera kerdî.

Eşkerayîya HPG'yî wina ya:

"27'ê Teşrîna Verêne hêzanê ma verba artêşa TC'yî ya îşxalkare Girê Serzerî ya qezaya Çelê ya Colemêrgî de çalakîyêk viraşte. Derbeyê giranî çeper û mewzîyanê dişmenî ro ameyî dayene û netîceyê ci de çeperêkê dişmenî ame îmhakerdene û leşkerêk ame kiştene.

Hêzanê ma çarçeweya Hemleya Qesasî ya Şehîde Medya Mawa û Şehîd Rizgar Geverî de 27'ê Êlule wesayîtêkê polîsanê tîmanê taybetan rayîrê Riha-Semsûrî de fîna destî û wesayîtê dişmenî bi temamî ame îmhakerdene, netîceyê çalakîye de 4 tîmê taybetî ameyî kiştene.

20'ê Teşrîna Verêne de wareyo ke mabênê qezaya Dêrikî ya Mêrdînî û qezaya Wêranşarî ya Riha de yo, de artêşa TC'yî ya îşxalkare dest pê operasyonêk kerd. Hêzanê ma çarçeweya Hemleya Qesasî ya Şehîde Meda Mawa û Şehîd Rizgar Geverî de mabênê dewanê Erbetê û Simakê yê Dêrikî de wesayîtêko zirxin ê tîpê kîrpî bi temamî îmha kerd. Hêzanê ma herêma operasyonî de zaf reyan leşkeranê dişmenî reyde şer kerd û zafê leşkerê dişmenî ameyî kiştene. Çalakî û pêkewtişan  de 14 tîmê taybetî ameyî kiştene. "