Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û xoverdayîşê gerîlayan de eşkerayîye daye û nê pare kerdî:

''Vera hêrişê îşxalî yê vera Zap û Avaşînî çalakîyê serkewteyî yê hêzanê ma dewam kenê. Îşxalkeranê ke nêpawêtene raştê wina yew xoverdayîşê yenê, şok bîyî. Îşxalkeranê ke zaf vînîkerdeyê înan est ê mabanê înan û hêzanê ma de pêkewtişî dewam kenê. Reyna bombardumanê vera herêmanê ma zî dewam kenê. Dewleta tirke bi zûranê xo yê şerê taybetî vana ke hêzanê ma ra vînîbîyayîşî est ê ke vînîkerdeyanê xo binimno.  Medyaya şerê taybetî yê tirkî xeberanê ke dana pêro zûr ê.

Heta nika 5 hemrayê ma şehîd bîyî. Safîkerdişê nasnameyê hemrayanê ma ra dima do şarê ma reyde bêrê parekerdene. 24 saetanê peyênan de 41 îşxalkerî ameyî kiştene, 5 leşkerî birîndar bîyî 2 droneyî ameyî wardayene.

Herêma Avaşînî

18ê nîsane de îşxalkeranê ke watş ver bi warê Werxelê aver şirê hetê hêzanê ma ra 5 rey ameyî pirodayene. Badê pêkewtişanê giranan 12 îşxalkerî ameyî cezakerdene û 2 droneyî ameyî wardayene. Reyna grûbêka bine ya îşxalalkeran ameyî pirodayene û 2 îşxalkerî ameyî cezakerdene. Eynî roje saetanê nêmeroje de îşxalkerê ke reyna ver bi Werxelê şîyênî ameyî pirodayene, 1 îşxalker ame cezakerdene 2 îşxalkerî ameyî cezakerdene.

Herêma Zapî

18ê nîsane de îşxalkerê ke waştêne ver Girê Şehîd Ciwanî şirê hetê hêzanê ma ra mesafeyo nêzdî ra ameyî pirodayene, 2 îşxalkerî ameyî cezkerdene. Roja bînî saetanê serê sibayî de îşxalkeranê ke waşt dormeyê Girê Şehîd Ciwanî de bikewê mewzîyan bi taktîkê suîqestî ameyî pirodayene, îşxalkerêk ame cezkerdene û ver mewzîkerdişî ame girewtene. 18ê nîsane de warê Girê Çîyayê Reşî de îşxalkeranê ke waşt leşkeranê xo ca bikerê hetê hêzanê ma ra pê taktîkê sabotajî ameyî pirodayene. Netîceya çalakîye de 2 îşxlakerî ameyî cezkerdene. Vera şan îşxalkerî reyna ameyî pirodayene, 5 îşxalkerî ameyî cezakerdene û îşxalkerêk zî birîndar bi. Eynî roje Kurojahro de îşxalkerî 3 rey bi taktîkê sabotajî ameyî pirodayene, 4 îşxalkerî ameyî cezakerdene. Reyna çalakîya sabotajî ya Girê Şehîd Harûnî de zî îşxalkerêk ame cezakerdene. Hêzanê ma Girê Şehîd Şemdînî de zî  4 rey da îşxalkeran ro, 5 îşxalkerî ameyî cezakerdene. Eynî roje û eynî cade hêzanê ma yê YJA Starî zî mesafeyo nêzdî ra da piro, 2 îşxalkerî ameyî cezakerdene. Girê Şehîd Ciwanî de zî îşxalkerî 3 rey bi taktîkê suîqestî ameyî pirodayene, tewr tay 4 îşxalkerî ameyî cezakerdene. 18ê nîsane de çalakîya bîne zî mabênê Girê Xereqol û Girê Şehîd Delîlî de ameye kerdene. Netîceya Çalakîye de 2 îşxalkerî ameyî cezakerdene û badê çalakîye îşxalkerî mecbur mendî ke biney peyser biancîyê.

Mabênê hêzanê ma û îşxalkeran de pêkewtişê giranî dewam kenê.''