Merkezê Çapemenî û Îrtîbatî yê HPG’yî derheqê  çalakîyanê gerîlayan de eşkerayîyêka nuştekîye daye û nê pare kerdî:

Şekîf de Çalakîya Sabotajî

‘’24’ê Hezîrane de hêzanê ma Qilê Şekîfî yê herêma Xakurkê de vera yewîyanê operasyonî yê artêşa Tirkî çalakîya sabotajî viraşte. Çalakîya ke xeylî leşkerî merdî û birîndar bîyî hûmara înan nêameye zelalkerdene.

23 Îşxalkarî Ameyî Kiştene, Di Wesayîtê Zirxinî Ameyî Îmhakerdene

Eynî roje de artêşa Tirkî waşt ke herêma Derava Xezalkê ya ke mabênê merkezê Colemêrg û qezaya Çelê de ya operasyon bido destpêkerdene. Hêzê dişmenî ameyî hedef girewtene û di hetan ra ameyî pirodayene. Netîceya na çalakîye de  23 leşkerî ameyî kiştene, di wesayîtê zirxinî temamî de ameyî îmhakerdene û xeylî wesayîtê zirxinî herêma ra remayî.

Gever de 2 Leşkerî Ameyî Kiştene

25’ê Hezîrane de herêma Şehîd Elîşerî ya qezaya Geverî ya Caolemêrgî de vera îşxalkaranê Tirkî çalakîyêk ameye viraştene. çalakîya ke mewzî û stargehê dişmenî bitesîr ameyî pirodayene de 2 leşkerî ameyî kiştene.

HelîkoPtero Kobra Ame Derbkerdene

Eynî roje 2 helîtoterê Tîpê Kobra yê ke qezaya Çelê ra ver bi îstîkamatê Colamêrgî şiyêne  herêma dewa Dîzê de hetê hêzanê ma  ra ameyî pirodayene. Çalakîye de helîkoterêk derbe girewte û herême ra kewt dûrî.

Şemzînan de Çalakîya Sûîqastî

Reyna eynî roje hêzanê ma Şemzînanê Colemêrgî de mintiqaya Derîyê Penî ya  herêma Govendê de  vera leşkeranê artêşa Tirkî çalakîya sûîqastî viraşte. Na çalakîye de leşkerêk ame kiştene. Bi hawayêkê hemwaxtî herêma Avaşînî de zî îşxalkarî Qilê Xwedê de ameyî pirodayene la hûmarê merde û birîndaranê dişmenî nêameye safîkerdene.

Rîyê Bombardûmanê Artêşa Tirkî ra Şewat Vejîya

Dimayê nê heme çalakîyan artêşa Tirkî herêmê çalakîyan bi obus û havanan bombardûman kerdî. Peynîya bombardûmanan de erazî de şewat vejîya. Hêzanê ma yê ke nê çalakîyî viraştî weş û war resayî cayî xo.

Herekol de Operasyon

20’ê Hezîrane de artêşa Tirkî  herêma Herekolî ya Sêrtî de operasyon da destpêkerdene. 21’ê Hezîrane de teyareyanê şerî herêmê Bêmereşê, Şehîd Canxort, Şaşik û Kûnavê bombardûman kerdî. Îşxalkarî 22’ê Hezîrane de destveng herême ra peyser ancîyaye. Medyaya dewlete xeberê sey şehadetê 6 gerîlayan dayî.  Nê xeberî temamî de zure. Wa şarê ma û rayapêroyî ya demokratîke nê xeberan ra bawer mekê. Operasyon de vînîbîyayeyê ma çîn ê.

Hêrişê Hewayî de 3 Gerîlayî Şehîd Bîyî

22’ê Hezîrane de artêşa Tirkî herêma dewa Qenca ya qezaya Tetwanî ya Bedlîsî de dest bi operasyonêk kerd. Eynî roje de herême ameye bombardûmankerdene. Nê hêrişî de 3 embazê ma şehîd bîyî. Nasnameyê embazanê ma yê şehîdan do peyra bêrê eşkerakerdene.

Herêma Çemçê de Kontrayêk Ame Cezakerdene

22’ê Hezîrane de herêma Çemçê ya qezaya Qaqixmanî ya Qersî de kontrayo bi nameyê Suleyman Guldere hetê hêzanê ma ra ameyo cezakerdene. Nê şexsî serra 2010’î de Qaqizman de bibê sebebê şehadetê embazanê ma Firat Mûnzûr ( Gokmen Akpolat) û Harûn Şîyar ( Alî Çîlo). Medyaya Tirkî de no şexs sey şiwanêkê bêsûcî ameyo ramojnayene. No qetîyen raşt nêyo. Kamo ke rolê ci şehadetê embazanê ma de esto timûtim ça beno wa bibo  o cezaya ke heq kenê, do bigêro.

Hêrişê Hewayî yê Vera Wareyê Pawitişî yê Meyda

Teyareyanê şerî  Wareyê Pawitişî yê Medya bombardûman kerd. Goreyê nayê; 24’ê Hezîrane de herêma Deşta Kafya ya pabesteya Gare, 25’ê menge de herêma Xinerê ya pabesteya Xakurkê û Qilê Colemêrgî yê Metîna, 26’ê menge de zî herêma Kelaşînî ya herêma Xakurkê ameyî bombardûmankerdene. Nê hêrişan de vînîbîyayeyê ma çîn ê.’’