Merkezê Îrtîbatî û Çapemenîye yê HPGyî da zanayene ke hêzanê înan vera artêşa tirke ya îşxalkere Herêma Feftanînî ya Herêmanê Pawitişî yê Medya de 2ê temmuze de çarçewa Hamleya Şorişgêre ya Cengê Heftanînî de tay çalakîyî kerdî.

HPGyî derheqê çalakîyan de nê zanayîşî dayî:

''Hêzanê ma yê YJA-Starî saete 11:20 de warê Şeşdara de vera artêşa TCyî ya îşxalkere çalakîyêka sûîkastî kerde. Çalakîye de leşkerêk ame cezakerdene. Saeta 19:30î de zî hêzanê ma da leşkeranê îşxalkeranê serê Girê Katu Sule ro. Na çalakîye de hûmara kişte û birîndaran nêameye tesbîtkerdene.

1ê temmuze de hêzê ma yê pawitişê sînorî yê Iraqî mintiqaya Kerê ya herêmanê Kela Şabanike û Derkarê yê Batufa de ca bîyî. Nê hêzan da zanayene ke ê seba vergirewtişê averşîyayîşê artêşa îşxalkere ameyî. Xîreto winasêno ke wextê zêdîyayîşê hêrişanê TCyî de ame kerdene, qerqilneno. Hêzê ma rewşa nînan herême de teqîb kenê. Heta ke rewşe hol bêra famkerdene, hêzê ma pozîsyonê xo de bimanê û dima goreyê rewşe têbigêrê.

Hêzanê ma yê YJA-Starî çarçewa Hamleya Qesasî ya Şehîde Medya Mawa û Şehîd Rizgar Geverî de 30ê hezîrane de warê Kato Xelîlî yê qezaya Şexî yê Wanî de da leşkeranê îşxalkeran ro ke mintiqaya Çelê Buka de kontrolê rayîrî kerdêne. Çalakîye de 2 leşkerê dişmenî ameyî cezakerdene.

26ê hezîrane de artêşa TCyî ya îşxalkere warê Kato Kavalî yê Colemêrgî de dest pê operasyonêkî kerd. Teyarayanê şerî û helîkopteranê hêrişî şewe bombardumanêko giran kerd û artêşa TCyî ya îşxalkere pê helîkopteranê Skorskyî leşkerî ver dayî herême. Artêşa îşxalkere 27ê hezîrane de bênetîce herême ra xo tepîya ant.

2ê temmuze de teyarayanê şerî yê artêşa îşxalkere dewa Yekmalî ya herêma Garê ya Herêmanê Pawitişî yê Medya ser o bombayî varnayî. Bombarduman de zerarêk nêresa hêzanê ma ser.''