Merkezê Çapemenî û Îrtîbatî yê HPG’yî eşkerayîyêka nuştekîye daye vat, “Hemraya ma Şevîn Bîngole ya ke Fermandarîya Eyaletê Erziromî de ca girewtêne û hemverê îşxalkaran de bi qehremanîye şer kerdêne û embazê ma Amargî, Bahoz û Dijwaro ke binê fermanê aye de bîyî, nê dewrê tarîxîyî de destanê qehremanî nuşt û tewrê karwanê şehîdan bîyî.”

HPG'yî nê vatî: “Eşkerayîya ma ya 27’ê Temmuze de, ma bi rayapêroyîye dabi zanayene ke artêşa Tirkî ya îşxalkare roja 22’ê Temmuze wareyê Çermê yê Çewlîgî de operasyonêk dayo destpêkerdene û mabênê hêzanê ma û îşxalkaran de pêkewtişê giranî virazîyayê. Nê pêkewtişan de 4 embazê ma şehîd bîbî. Hemraya ma Şevîn Bîngole ya ke Fermandarîya Eyaletê Erziromî de ca girewtêne û hemverê îşxalkaran de bi qehremanîye şer kerdêne û embazê ma Amargî, Bahoz û Dijwaro ke binê fermanê aye de bîyî, nê dewrê tarîxîyî de destanê qehremanî nuşt û tewrê karwanê şehîdan bîyî. Hemrayê ma yê ke hemverê her tewir îşxal û apeyperwerîye yê ke Kurdistan de yenê rayraberdene bedenê xo kerdî sîper, reyna dost û dişmen her kesî rê ramot ke ê do her bincewa erdê Kurdistanî bipawê. Nasnameyê embazanê ma yê ke pêkewtişan de derbeyê giranî dayî dişmenî ro û şehîd bîyî wina yê:

Nameyê Qodî: Şevîn Bîngole Name Peyname: Hulya Kule Cayê Bîyayîşî: Çewlîg Maye - Pî: Makbule – Mehmet Tarîx û Cayê Şehadetî: 22’ê Temmuze 2019 / Çewlîg

Nameyê Qodî: Amargî Zîlda Name Peyname: Bahar Ûçake  Cayê Bîyayîşî: Mûş  Maye - Pî: Melkînase – Mehmet Tarîx û Cayê Şehadetî: 22’ê Temmuze 2019 / Çewlîg

Nameyê Qodî: Bahoz Welat Name Peyname: Cîhan Akalin Cayê Bîyayîşî: Mûş Maye - Pî: - Tarîx û Cayê Şehadetî: 22’ê Temmuze 2019 / Çewlîg

Nameyê Qodî: Dijwar Zagros Name Peyname: Şerzat Hasanî Azer Cayê Bîyayîşî: Ûrmîye Maye - Pî: Şerîfe - Mîraz Tarîx û Cayê Şehadetî: 22’ê Temmuze 2019 / Çewlîg

Hulya Kule (Şevîn Bîngole)

Hemraya ma Şevîne, serra 1978 de Çewlîg de ameya dinya. Hemverê polîtîkayanê asîmîlasyonî yê ke sîstem serê şarê Kurdî de rayra beno hîsê xo yê welatperwerîye çi rey nêkerdê vînî û nê hîsê aye her roja ke şîya hîna bîyê xurt. Hemraya ma Şevîne ya ke emrê ciwanî de Têgêrayîşê Azadîye nas kerd, serra 1996 de tewrê têgêrayîşê PKK’yî yo ke ercanê aye yê cewherîyan û kulturê aye temsîl kerdêne bîye û cewabo tewr pîl dayo sîstemê faşîstî. Emrê xo ra 23 serrî mîyanê gerîlayan de bi hawayêkê pirî ravêrnayo, xo aver berdo û xeta azadîya cinî ya Rayberîye de bîya fermandarêka gerîlayan a bitecrube. Hemra Şevîna ke xeylî wareyanê Kurdistanî de bi hawayêkê aktîfî rol girewt, şertanê asê û zehmetan ê koyan de bi tewrbîyayîşê xo yê kedkar û fedakarî bîye nimûneyo tewr eşkera yê partîya kedebîyayîşî ya PKK’yî. Embaza ma Şevîne ya ke peymeyanê mîlîtanîye ra qe tawîz nêdayêne û rixmê şertanê zoran de hemverê dişmenî de mucadeleyêkê xurtî de bîye, bi gerîlatîya xo ya ke koyanê Kurdistanî de rayra berdêne amî naskerdene û bîye Şorişgêrêka Kurdistanî ya serfiraze. Hemraya ma Şevîne seba azadîya şarê Kurdî keda pîle daya û bîya mîlîtanêka nimûneye ke hetê embazanê xo ra yena heskerdene. Tewr peynî wareyo ke tede ya ûca hemverê hêrişanê gonîweran ê dişmenî de bi qehremanîye şer kerd û resaye şehadetî.

 Bahar Ûçake (Amargî Zîlda), Cîhan Akalin (Bahoz Welat), Şerzat Hasanî Azer (Dijwar Zagros)

Embazê ma Amargî, Bahoz û Dijwar, dewranê tewr çetinan de bi zerrîya xo ya ciwane tewrê sefanê gerîlayan bîyê û hemverê hêrişanê dişmenî de gureyê xo yê mîlîtanîye dereceya tewr core de bica ardê. Hemrayê ma yê ke gama ewilêne ya tewrbîyayîşê mîyanê sefanê gerîlayan ra tepîya seba ke bibê gerîlayêko wesifdar cehd kerd, hemverê hêrişanê îqtîdarê faşîstî yê AKP-MHP’yî ke serê Kurdistanî de keno bi hawayêkê tewr aktîfî cewab da û bîyî şerwanêko wesifdar. Her 3 hemrayê ma bi hawayêkê fedakarî xebatê xo rayra berdî û bîyî neferêk ke şorişê Kurdistanî çar perçeyanê Kurdistanî de ardî têhet.

Ma vanê wa sere de sereyê keyeyanê embazanê ma yê ke resayê şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.”