Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: "Hêrişê îşxalî yê dewleta tirke yê vera Zapî dewam kenê. Gerîlayê Azadîye yê Kurdîstanî aşma fedayîyan a hazîrane de bi ruhê fedayî yê Apoyî cewabê dişmenî danê. Netîceya çalakîyanê hêzanê ma de hîrê îşxalkerî ameyî cezakerdene. Hêrişê dişmenî de hemrayê ma Zagros, Zana û Berxwedan şehîd bîyî.

Detayê hêrişanê dişmenî û çalakîyanê hêzanê ma wina yê:

28ê hazîrane de Warê Xoverdayîşî y Girê FMyî de îşxalkerî bi taktîkê suîkastî ameyî pirodayene. Na çalakîye de îşxalkerêk ame cezakerdene. Na çalakîye hetê hêzanê ma yê YJA Starî ra semedê silamkerdişê 30ê Hazîrane Roja Fedayîtîye ameye kerdene.

22ê hazîrane de artêşa tirke vera Warê Xoverdayîşî yê Şikefta Birîndara ra ver bi Warê Xoverdayîşî yê Kokerê operasyonêk kerd. Netîceya bombardumanî de hemrayê ma Zagros şehîd bi. Îşxalkeranê ke waşt erdî ra aver şirê hetê hêzanê ma ameyî pirodayene. Netîceya nê pirodayîşî de tewr tay di îşxalkerî ameyî cezakerdene. Îşxalkeranê ke derbeyî werdî biney peyser agêrayî. Saetanê cemê şanî de herême reyna ameye bombardumankerdene. Bombardumanî saetanê şanî de zî dewam kerd. 23ê hazîrane de no war reyna ame pirodayene. Netîceya nê bombardumanî de hemrayê ma Zana û Berxwedan şehîd bîyî.

Operasyonê rojhilatê Zapî Waranê Xoverdayîşî yê Şikefta Birîndara, Kokerê, Saca û Karkerî de bi hîrabîyayîşî dewam keno.

Dewleta tirke vînîkerdişê xo yê na herême şarî ra nimitî. Verî vat di dima ra vat gerîlayî şehîd bîyî. La hêzanê ma da înan ro, tewr tay di îşxalkerî ameyî cezakerdene. Bombarduman de hemrayê ma Zagros, Zana û Berxwedan şehîd bîyî. Ma do peyra nasnameyê hermayanê xo yê şehîdan eşkera bikerê.

28ê hazîrane de Warê Xoverdayîşî yê Girê Bahar yê herma Şehîd Delîlî yê Zapî pê teyarayanê şerî dîya bombayan ver. Eynî roje Warê Xoverdayîşî yê Sîda, Girê Cûdî, Girê FM, Girê Amedîyê û Girê Bahar ê Zapî  û warê Serê Metîna, Golka û Gundê Şêlazê yê Metîna 115 pê obus, tank û çekanê giranan dayî bombayan ver."