HPG: Şehîdê ma do mîyanê têkoşînê ma de biciwîyê
HPGyî 4 gerîlayê ke 2016 de Herêmanê Pawitişî yê Medya de şehîd bîyî yad kerdî û vat: ''Nê embazê ma do tim mîyanê têkoşînî de biciwîyê, bibê sebebê serfîrazîye.''
Merkezê Îrtîbatî û Çapemenîye yê HPGyî bi eşkerayîyêke 4 gerîlayê ke 2016 de Herêmanê Pawitişî yê Medya de şehîd bîyî yad kerdî. Eşkerayîye wina ya:
''Hêrişanê dewleta tirke ya îşxalkere yê 2016î de Herêmanê Pawitişî yê Medya de embazê ma Têkoşîne, Şîyar, Mêrxas û Bager şehîd bîyî. Nê embazê ke bedenê xo vera hêrişanê artêşa tirke ya îşxalkere seba azadîya şarê xo sîper kerdî, do tim mîyanê têkoşînî de biciwîyê, bibê sebebê serfîrazîye.
Nasnameyê embazanê ma yê şehîdan wina yê:
|
|
Nameyê Qodî: Tekoşîne Jiyan Name û Peyname: Asîye Gungor Cayê Bîyayîşî: Mûş Maye-Pî: Adalete – Fehîm Tarîx û Cayê Şehadetî: 3ê Êlula 2016î / Herêmê Pawitişî yê Medya |
|
|
Nameyê Qodî: Şîyar Botan Name û Peyname: Emre Çelik Cayê Bîyayîşî: Wan Maye-Pî: Kiymete – Filît Tarîx û Cayê Şehadetî: 3ê Êlula 2016î / Herêmê Pawitişî yê Medya |
|
|
Nameyê Qodî: Mêrxas Goyî Name û Peyname: Davut Yildirim Cayê Bîyayîşî: Şirnex Maye-Pî: Durîye – Hasan Tarîx û Cayê Şehadetî: 3ê Êlula 2016î / Herêmê Pawitişî yê Medya |
|
|
Nameyê Qodî: Bager Fedakar Name û Peyname: Muzever Kutlu Cayê Bîyayîşî: Şirnex Maye-Pî: Hatîce – Mehmet Tarîx û Cayê Şehadetî: 3ê Êlula 2016î / Herêmê Pawitişî yê Medya |
Embaze Têkoşîne Mûş de dadîya xo ra bîya. Embaze Têkoşîne bi tesîrê îdeolojîya azadîya cinîyan a Rayberîye tewra gerîlayan bîye. Embaze Têkoşîne cade gerîlatîye musaye û 2015 de cepheyanê şerê giranî de ca girewt. Embaze Têkoşîne embazanê xo reyde rayîr nêda îşxalkeran û tim wezîfeyê xo yê rayberîye ard ca. Embaze Têkoşîne do tim vernîya têkoşînê ma roşnî bikera.
Embaz Şîyar Elbak de dadîya xo ra bîyo. Embaz Şîyarî verî mîyanê xebatanê ciwanan de ca girewt û 2013 de zî verê xo da koyanê azadan. Embaz Şîyarî Zapî ra heta Metîna têkoşîn kerd, tecrubeyê pîlî vistî destî û çalakîyanê serkewteyan rê rayberîye kerde. Ey cuye de zî rayberîya embazanê xo kerde û bi nê hawayî bi mazharê heskerdiş û hûrmetê embazanê xo. Embaz Şîyaro ke tewirê xo ra qetî tawîz nêda do tim vîrameyîşê ci têkoşînê ma de bêro pawitene.
Embaz Mêrxas Şirnex de dadîya xo ra bîyo. Embaz Mêrxas vera hêrişanê îşxalî û polîtîkaya asîmîlasyonî 2014 de tewrê gerîlayanê azadîye bi. Embaz Mêrxas cografyaya xidare ya Zagrosan de bi yew û vera îşxalkeran bi hawayêkê aktîfî xo ver da. Embaz Mêrxasî xîret kerd ke îdeolojîya Rayber Apoyî de xo aver bero û tim bîyo perwerê embazanê xo û têgêrayîşê azadîye. Embaz Mêrxas bi têkoşînê xo do tim vernîya ma roşnî bikero.
Embaz Bager Şirnex de dadîya xo ra bîyo. Embaz Bagerî dima ke birayê ci Bager Cîzre (Savaş Kutlu) 2015 de rojawan de şehîd bi verê xo da koyanê azadan ke qesasê ey bigêro. Embaz Bager cade cuya gerîlatîye musa û bi gerîlayêko profesyonel. Embaz Bagerî tim kerd ke pêro wezîfeyanê xo bîyaro ca û têkoşînê birayê xo bêqusur bikero. Ma soz danê ke têkoşînê embaz Bagerî û şehîdanê xo bi serkewtişî tacîdar bikerê.
Sere de keyeyanê ercîyayeyan ê embazanê xo rê, ma pêro şarê welatperwerî yê Kurdîstanî rê serweşîye wazenê.''
