Merkezê Îrtîbatî û Çapemenîye HPGyî 3 gerîlayê ke 2016 de Zap de şehîd bîyî yad kerdî. Eşkerayîye wina ya:

''Dewleta tirke ya îşxalkere seba ke vera têgêrayîşê ma netîce bivisna destî 2016 de dest pê hêrişanê giran û hîrayan kerd. Armancê nê hêrişan tasfîyeya gerîlayan, qirkerdişê şarê ma bi. La gerîlayan bi îradeyêkê pîlî vera dişmenî şer kerd û na polîtîka çin kerde. Nê prosesê şerê giranî de embazê ma Botan, Denîz û Agît şehîd kewtî. Ma serrgêra şehadetî de nê embazanê xo bi rêzdarî yad kenê û sozê xo dibare kenê ke têkoşînê embazanê xo yê çêran berz bikerê.

Nasnameyê embazanê ma yê şehîdan wina yê:

Embaz Botan Wan de dadîya xo ra bîyo. Embaz Botanî dima ke PKK şinasna 2014 de tewrê gerîlayan bi.O cade cuya gerîlatîye musa û xo zaf aver berd. Embaz Botanî xeylêk cayan de mesuldarîyê pîlî girewtî xo mil û pêro mesuldarîyê xo ardî ca. Embaz Botan pê kesayetê xo yê dilnizmî û kedkarîya xo bi mazharê heskerd û hûrmetê embazanê xo. O mîyanê têkoşînê ma yê azadîye de do bibo sembolê metodê fedayî û kedkarîye.

Embaz Denîz Colemêrg de dadîya xo ra bîyo. Embaz Denîz hema ciwanîya xo de vera îşxal û hêrişanê dişmenî werişt we û 2016 de bire daye ke verê xo bido koyanê azadan. Embaz Denîzî xo pê îradeyê Rayber Apoyî xurt kerd, tim çeperanê şerî de tewr vernî de ca girewt û bi fedakarîyêka pîle Apogîrîya xo eşkera kerde. Îradeyê ci tim do mîyanê têkoşî nê ma de bêro pawitene.

Embaz Agît Amed de dadîya xo ra bîyo. Embaz Agîtî bire daye ke tek rayîrê têkoşînî mîyanê gerîlayan de cagirewtiş o û bi nê hawayî verê xo da koyanê azadan. Embaz Agîtî Botanî ra heta Zagrosan xeylêk waranê xoverdayîşî de ca girewt. Ey îdeolojîya Rayber Apoyî de xo aver berd û vera hêrişan xoverdayîşêko bêhempa mojna. Embaz Agît bi kesayetê xo yê fedakarî û xoverdayîşê xo yê bêhempayî tim do mîyanê çêranê Zagrosan de ca bigêro.

Embazanê ma Botan, Denîz û Agîtî bi çêrîya xo tarîxê xoverdayîşî yê şarê ma de ca girewt. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''