Merkezê Îrtîbatî û Çapemenîye yê HPGyî nasnameyê 5 gerîlayanê ke 2017 de şehîd bîyî, eşkera kerdî. Eşkerayîye wina ya:

''Menga nîsane ya 2017î de artêşa tirke ya îşxalkere Koyê Katoyî yê Elkê de, operasyonêko hîra dabi destpêkerdene. Nê operasyonî de vera îşxalkeran şer ame kerdene û nê şerî de embazê ma Raperîne, Rûkene, Barîne, Avaşîne û Zinarîne şehîd bîyî. Ma serrgêra şehadetê înan de, nê embazanê xo bi rêzdarî yad kenê û soz danê ke înan mîyanê têkoşînê xo de bidê ciwîyayene.

Nasnameyê embazanê ma yê şehîdan wina yê:

Nameyê Qodî: Raperîne Amed Name û Peyname: Aysele Oyunlu Cayê Bîyayîşî: Amed Maye-Pî: Hasrete-Mahmût Tarîx û Cayê Şehadetî: Nîsana 2017î / Kato Jîrka

Nameyê Qodî: Rûkene Gever Name û Peyname: Lalîhane Aslan Cayê Bîyayîşî: Wan Maye-Pî: Şîrîne-Hadî Tarîx û Cayê Şehadetî: Nîsana 2017î / Kato Jîrka

Nameyê Qodî: Barîne Şîlan Name û Peyname: Şemsê Alî Cayê Bîyayîşî: Kobanê Maye-Pî. Sedîka-Îsmaîl Tarîx û Cayê Şehadetî: Nîsana 2017î / Kato Jîrka

Nameyê Qodî: Avaşîne Çirav Name û Peyname: Serhildane Erdem Cayê Bîyayîşî: Sêrt Maye-Pî: Sureyya-Selahattîn Tarîx û Cayê Şehadetî: Nîsana 2017î / Kato Jîrka

Nameyê Qodî: Zinarîne Arjîn Name û Peyname: Pelda Akdag Cayê Bîyayîşî: Amed Maye-Pî: Fatma-Yûsûf Tarîx û Cayê Şehadetî: Nîsana 2017î / Kato Jîrka

Raperîne dewa Çemê Alîka ya Licê de dadîya xo ra bîya. Embaze Raperîne 2004 de verê xo da koyan û kerd ke xeta serfîrazîye ya PKKyî de şora. Aye Zapî ra heta Zagrosan, Qendîlî ra heta Heftanînî  xeylêk waran de têkoşîn kerd, xeylêk tecrubeyî vistî destî û mîyanê YJA-Starî de bîya fermandarêka marîfetîne. Dima waştişê xo ser o a derbazê warê Botanî bi. 2017 de koyê Katoyî de birîndar bîye  û xoverdayîşê bi rojan ra dima 4 embazanê xo reyde şehîd bîye. Kurdîstan û şarê kurdî do tim pê aye sereberz bibê.

Embaze Rûkene Wan de dadîya ra bîya.  Embaze Rûkene 2012 de Wan de tewra gerîlayan bîye. Aye Garê û Heftanîn de gerîlatîye kerde, xo aver berd û 2015 de a waştişê xo ser o derbazê Botanî bîye. Aye heta şehadetê xo mîyanê YJA-Starî de erkê fermandarîye bi çêrî ard ca û 2017 de Kato de dima ke bi çêrî şer kerd, şehîd bîye.

Embaze Barîne Kobanê de dadîya xo ra bîya. Embaze Barîne 2012 de verê xo da koyanê azadan. Aye Mexmûr, Qendîl, Kerkûk, Zap de gerîlatîye kerd û 2016 de sey fermandarêke verê xo da warê Botanî Embaze Barîne 2017 de Kato de xoverdayîşê destanwarî de ca girewte û tewra karwanê bêmergan bîye.

Embaze Avaşîne Dihê de dadîya xo ra bîya. Embaze Avaşîne şerê Kobanê û tepişîyayîşê babîyê xo ra dima, pê hêrsê vera dewlete 2014 de  verê xo da koyanê azadan. Aye 2015 de perwerdeyê pisporîye dî û xo hîna zaf aver berd. 2017 de embaz Avaşîne Kato de vera dişmenî têkoşîn kerd û şehîd bîye.

Embaze Zinarîne Amed de dadîya xo ra bîya. Embaze Zinarîne 2015 de way û kênaya apê xo reyde tewra gerîlayan bîye. Embaze Zinarîne bi taybetî Besta de xeylêk çalakîyan rê serkêşîye kerde û 2016 de aye 6 embazê xo şehîd dayî. Embaze Zinarîne Kato de kerd ke dişmenî ra qesas bigêra û ver bi şehadetî şîye.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''