Merkezê Îrtîbatî û Çapemenîye yê Zapî gerîlayê ke Zap de şehîd bîyî bi eşkerayîyêke yad kerdî. Eşkerayîye wina ya:

''2017 de hêrişan de ke artêşa tirke ya îşxalkere seba ke partîya ma PKK werte ra wedarna bi giranî kerdêne warê Zapî de embazê ma Cûdî, Serxwebûn, Rênas û Ernesto şehîd bîyî. Ma embazanê xo yê şehîdan bi minet û rêzdarî yad kenê û soz danê ke ma perwerê vîrameyîşê înan bibê.

Nasnameyê embazanê ma yê şehîdan wina yê:

Embaz Cûdî Şirnex de dadîya xo ra bîyo. Embaz Cûdîyî 2014 de xetalê xo ard ca û Botan de tewrê gerîlayan bi. Ey wextêk Botan de gerîlatîye kerde û dima zî derbazê Heftanînî bi. Embaz Cûdîyî rixmê emrê xo yê ciwanî tim bi aktîfî xîret kerd û têkoşîn kerd. O pê enerjîya xo zî bi çimeyê moralî yê embazanê xo û pê kesayetê xo bi mazharê heskerdişê înan. Embaz Cûdîyo ke tewrê çêranê bêmergan bi rayraşîyayîşê serfîrazîye de tim do vernîya têkoşînê ma roşnî bikero.

Embaz Serxwebûn şaristanê Zaxoyî yê Başûr de dadîya xo ra bîyo. Embaz Serxwebûn esasê vengdayîşê Rayberîye ser o 2014 de tewrê gerîlayan bi. Embaz Serxwebûnî Zap û Garê de gerîlatîye kerde û wextêkê kilmî de bi gerîlayêko tecrubeyîn. Embaz Serxwebûn rixmê emrê xo yê ciwanî bi wayîrê kedêka pîle. Ey tim xîret kerd ke xo û embazanê xo aver bero. Embaz Serxwebûn erjanê şehîdanê bînan reyde tim do mîyanê têkoşînê ma de biciwîyo û vernîya ma roşnî bikero.

Embaz Ernesto Şirnex de dadîya xo ra bîyo. Embaz Ernestoyî verî xebatanê ciwanan de ca girewt û 2013 de zî vera îşxalî verê xo da koyanê Kurdîstanî. Embaz Ernesto dima ke perwerdeyê xo qedîna derbazê herêma Zapî bi û heta ke şehîd bi tîya de têkoşîn kerd. Embaz Ernestoyî hem cuye hem zî şer de tim tewr vernî de ca girewt. Embaz Ernestoyî her warî de xeta partîye temsîl kerde. Milîtano çêr ê felsefeya Rayberîye embaz Ernesto do tim mîyanê têkoşînê ma de biciwîyo.

Embaz Rênas Gever de dadîya xo ra bîyo. Embaz Rênasî xebatanê ciwanan de ca girewt û ey xoverdayîşê xoîdarekerdişî ra dima bire daye ke tewrê gerîlayan bibo. Nê esasî ser o ey 2015 de verê xo da koyan. Embaz Rênas cade cuya gerîlatîye musa û tim xîret kerd ke pê perwerdeyan xo aver bero. Embaz Rênasî kerd ke bibo fermandarêko marîfetîn. Ey wextê hêrişanê DAÎŞî de hetê şarê Şingalî de şer kerd û dima reyna agêra Zap. Embaz Rênas pê kesayet, tewir, embazîya xo tim bîyo embazêko bêhempa û mazharê heskerdişê embazanê xo.

Cûdî, Serxwebûn, Ernesto û Rênasî kerd ke bibê çêrê rûmetên û ercîyayeyî yê şarê ma. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''